बाइकवर स्टंट केल्याबद्दल बॉलिवूड अभिनेता टिकू तलसानिया धोकादायक परिस्थितीत सापडला आहे. 71 वर्षीय टिकू तलसानिया यांचा स्टंट करतानाचा व्हिडिओ व्हायरल झाल्यानंतर पोलिसांनी त्यांच्यावर कारवाई केली आहे. टिकू आणि मानसी पारेख यांच्याविरुद्ध गुन्हा दाखल करण्यात आला आहे.
व्हायरल व्हिडिओमध्ये, टिकू तलसानिया बाईकवर स्टंट करत आहे. मानसी देखील दुसऱ्या बाईकवर उभी राहून टायटॅनिक पोज देत आहे. व्हिडिओ व्हायरल झाल्यानंतर, सोशल मीडिया वापरकर्ते संतापले. लोकांनी नाराजी व्यक्त करत म्हटले की, सेलिब्रिटी असण्याचा अर्थ असा नाही की ते कायदा मोडू शकतात आणि इतरांची सुरक्षा धोक्यात आणू शकतात.
या स्टंटनंतर, अहमदाबाद वाहतूक पोलिसांनी दोन्ही कलाकारांविरुद्ध गंभीर कायदेशीर खटला दाखल केला आहे. टिकू आणि मानसी यांनी त्यांच्या आगामी गुजराती चित्रपट "मिसरी" च्या प्रमोशनसाठी शहरातील वर्दळीच्या रस्त्यांवर धोकादायक बाइक स्टंट केल्याचे वृत्त आहे.
पोलिसांनी सांगितले की, 'अ' विभाग वाहतूक पोलिस ठाण्यात गुन्हा दाखल करण्यात आला आहे. भारतीय दंड संहितेच्या कलम 281 आणि मोटार वाहन कायद्याच्या कलम 177 आणि 184अंतर्गत हा गुन्हा दाखल करण्यात आला आहे. हे कलम निष्काळजीपणा आणि धोकादायक शस्त्रे किंवा साधनांनी दुखापत करणे यासारख्या गंभीर गुन्ह्यांशी संबंधित आहेत.
"मिसरी" हा चित्रपट कुशल नाईक यांनी लिहिलेला आणि दिग्दर्शित केला आहे. हा चित्रपट एका स्वतंत्र विचारसरणीच्या छायाचित्रकार आणि एका कुंभारकाम शिक्षकाच्या आयुष्याभोवती फिरतो. हा चित्रपट 31 ऑक्टोबर रोजी चित्रपटगृहात प्रदर्शित होत आहे.
