बॉलिवूडचे ही-मॅन धर्मेंद्र यांची तब्येत ठीक नाही. चाहते त्यांच्या प्रकृतीसाठी प्रार्थना करत आहेत. दरम्यान, अभिनेता प्रेम चोप्रा यांच्या प्रकृतीबाबतही बातम्या आल्या आहेत. त्यांना मुंबईतील लीलावती रुग्णालयात दाखल करण्यात आले आहे. अभिनेत्याचे जावई विकास भल्ला यांनी त्यांच्या प्रकृतीची माहिती दिली आणि म्हणाले, "काळजी करण्यासारखे काही नाही; ते नियमित तपासणीसाठी गेले आहेत."
त्यांना लवकरच डिस्चार्ज दिला जाईल. 90 वर्षीय अभिनेते प्रेम चोप्रा यांना नियमित तपासणीसाठी रुग्णालयात दाखल करण्यात आले आहे. अभिनेत्याचे जावई विकास भल्ला म्हणाले की, "त्यांची प्रकृती स्थिर आहे आणि त्यांना लवकरच डिस्चार्ज देण्यात येईल." शिवाय, विकास भल्ला म्हणाले की काळजी करण्यासारखे काहीही नाही.
प्रेम चोप्रांचे जावई आणि अभिनेता शर्मन जोशी यांनीही प्रेम चोप्रांच्या प्रकृतीबद्दल अपडेट दिले.जोशी म्हणाले, "काळजी करण्यासारखे काही नाही. सर्व काही ठीक आहे. त्यांना काही चाचण्यांसाठी दाखल करण्यात आले आहे. उद्या त्यांना डिस्चार्ज देण्यात येईल." प्रेम चोप्रांबद्दल काळजीत असलेल्या चाहत्यांनी आरोग्य अपडेट कळल्यानंतर सुटकेचा नि:श्वास सोडला. प्रेम चोप्रांची धाकटी मुलगी प्रेरणा हिचे लग्न अभिनेता शर्मन जोशीशी झाले आहे
प्रेम चोप्रा यांनी हिंदी चित्रपटसृष्टीत खलनायकांच्या भूमिकेला एका नवीन उंचीवर नेले. 1970आणि 1980 च्या दशकातील त्यांच्या खलनायकी भूमिकेमुळे ते भारतीय चित्रपटसृष्टीत एक प्रतिष्ठित व्यक्तिरेखा बनले. प्रेम चोप्रा यांनी 1960 मध्ये "चौधरी कर्नेल सिंग" या पंजाबी चित्रपटाने आपल्या कारकिर्दीची सुरुवात केली. "चौधरी कर्नेल सिंग" हा चित्रपट बॉक्स ऑफिसवर हिट ठरला.
