मनोरंजन विश्वातून दुःखद बातमी समोर आली आहे. अभिनेता आणि गायक ऋषभ टंडन यांचे निधन झाले आहे. त्यांनी 22 ऑक्टोबर रोजी दिल्लीत अखेरचा श्वास घेतला. "फकीर" म्हणून ओळखले जाणारे ऋषभ टंडन यांचे हृदयविकाराच्या झटक्याने निधन झाल्याचे सांगितले जात आहे. अभिनेत्याच्या अचानक निधनाने सर्वांना धक्का बसला आहे.
ऋषभ टंडन त्यांच्या पत्नीसह मुंबईत राहत होते आणि ते त्यांच्या कुटुंबासोबत दिवाळी साजरी करण्यासाठी दिल्लीला आले होते. ऋषभच्या कुटुंबाने या कठीण काळात गोपनीयतेची विनंती केली आहे. चाहते आणि सेलिब्रिटी सोशल मीडियावर अश्रूंनी त्यांना श्रद्धांजली वाहत आहेत.
ऋषभ टंडन एक गायक, संगीतकार आणि अभिनेता होते. त्यांनी 2008 मध्ये टी-सीरीजच्या अल्बम "फिर से वही" ने आपल्या कारकिर्दीची सुरुवात केली. त्यांच्या गाण्यांव्यतिरिक्त, ऋषभ टंडन यांनी "फकीर - लिव्हिंग लिमिटलेस" आणि "रुष्ना: द रे ऑफ लाईट" सारख्या चित्रपटांमध्येही काम केले आहे.
ऋषभला प्राण्यांचीही खूप आवड होती. त्याच्या मुंबईतील घरात अनेक मांजरी, कुत्रे आणि पक्षी होते. ऋषभची अनेक गाणी अद्याप प्रदर्शित झालेली नाहीत.
