एकेकाळी अक्षय कुमार दागिने विकायचा आणि याचमुळे त्याला पहिला चित्रपट मिळाला

बॉलिवूडमध्ये खिलाडी कुमार म्हणून ओळखला जाणारा अभिनेता अक्षय कुमार ९ सप्टेंबर रोजी आपला वाढदिवस साजरा करत आहे. अक्षयचे खरे नाव राजीव हरिओम भाटिया आहे. बॉलिवूडमध्ये येण्यापूर्वी त्याने आपले नाव बदलून अक्षय कुमार असे ठेवले. ३० वर्षांच्या चित्रपट कारकिर्दीत अक्षयने १०० हून अधिक चित्रपटांमध्ये काम केले आहे.

बॉलिवूडमध्ये यश मिळवण्यासाठी अक्षय कुमारने खूप संघर्ष केला आहे. अक्षय कुमारने अमिताभ बच्चन यांच्या 'केबीसी १३' या शोमध्ये आपल्या चित्रपट प्रवासाविषयी सांगितले. अक्षय म्हणाला की, मॉडेलिंगमधून पैसे कमावण्यासोबतच त्याला बॉलिवूडमध्ये अभिनेता बनण्याची प्रेरणा मिळाली.

अक्षयने सांगितले की, चित्रपटसृष्टीत येण्यापूर्वी त्याने एका दागिन्यांच्या दुकानात विक्रेता म्हणून आणि नंतर एका रेस्टॉरंटमध्ये लोकांसाठी टेबल लावण्याचे काम केले होते. जेव्हा तो एका रेस्टॉरंटमध्ये काम करत होता, तेव्हा तिथल्या भिंतीवर चार अभिनेत्यांची चित्रे टांगलेली होती, त्यापैकी एक बिग बी होते, आणि त्याच चित्राने अक्षयला चित्रपटसृष्टीत करिअर करण्यासाठी प्रेरणा दिली.

अक्षय कुमार म्हणाला, "मला अभिनयाची संधी मिळणे हा निव्वळ एक योगायोग होता. मी मुंबईतील अनाथाश्रमांमध्ये जाऊन त्यांना कराटे आणि मार्शल आर्ट्स शिकवत असे. यातून मी महिन्याला ५,०००-६,००० रुपये कमवत असे. एके दिवशी कोणीतरी मला म्हणाले, 'तू उंच आणि हुशार आहेस, मग तू मॉडेलिंग का करून पाहत नाहीस?' त्यावेळी मला मॉडेलिंग म्हणजे काय हे माहीत नव्हते. पण मग कोणीतरी मला एक कार्ड दिले आणि मॉडेलिंगसाठी आमंत्रित केले."

तो म्हणाला, "मी शहरात आलो आणि एका फर्निशिंग शोरूमसाठी जाहिरात दिली. मला मॉडेलिंगसाठी २१,००० रुपयांची ऑफर मिळाली. मला वाटलं की महिनाभर काम करून ५,००० रुपये कमावणं म्हणजे वेडेपणा आहे. त्याऐवजी मी हेच करेन. फक्त अडीच ते तीन तासांत मी २१,००० रुपये कमावले, जे खूपच आश्चर्यकारक होतं." त्यानंतर मी मॉडेलिंग सुरू केलं. नंतर कोणीतरी माझे फोटो प्रमोद चक्रवर्तींना दाखवले आणि अशाप्रकारे मला माझा पहिला चित्रपट, 'सौगंध' मिळाला."

Edited By- Dhanashri Naik