मेरे हसबंड की बीवी' या चित्रपटाच्या ट्रेलर लॉन्च कार्यक्रमात अर्जुन कपूरसोबत अभिनेत्री रकुल प्रीत, भूमी पेडणेकरही दिसल्या होत्या. या दोघी या चित्रपटात अर्जुन कपूरच्या माजी पत्नी आणि भावी पत्नीच्या भूमिकेत आहेत.
ट्रेलर लॉन्चच्या वेळी सर्व कलाकार त्यांच्या भूमिका आणि चित्रपटाबद्दल बोलत होते. यादरम्यान अर्जुन कपूरला विचारण्यात आले की, तो लग्न कधी करणार आहे? यावर अभिनेत्याने प्रतिक्रिया दिली. तो म्हणाला, लग्न झाल्यावर मी तुम्हाला सर्व सांगेन. आज माझ्या चित्रपटाचा दिवस आहे म्हणून त्याबद्दल बोलूया. होय, जेव्हा माझ्या पत्नीचा प्रश्न येतो तेव्हा आपण तिच्याबद्दल नक्कीच बोलू.योग्य वेळ आल्यावर आपण माझ्या लग्नाबद्दलही बोलू. अर्जुन कपूर हे सर्व सांगत असताना रकुल आणि भूमी एकमेकांकडे बघत हसत होते.
अर्जुन कपूरच्या नात्याबद्दल बोलायचे झाले तर, मलायका अरोरासोबत त्याचे अनेक दिवसांपासून अफेअर होते. अर्जुन आणि मलायकाने हे नातं कधीच जगापासून लपवलं नाही. मलायका अरबाज खानपासून घटस्फोट घेतल्यानंतर काही वर्षांनी अर्जुन आणि मलायका रिलेशनशिपमध्ये आले.
जिथे अर्जुनने मलायकासोबतच्या त्याच्या नात्याबद्दल उघडपणे बोलून जगासमोर खुलासा केला. जेव्हा त्याने मलायकासोबत ब्रेकअप केले तेव्हा त्याने याबद्दलही खुलेपणाने चर्चा केली. अर्जुनने त्याच्या चाहत्यांना सांगितले होते की तो ब्रेकअपच्या वाईट टप्प्यातून जात आहे आणि त्यातून सावरण्याचा प्रयत्न करत आहे. सध्या अर्जुन पूर्णपणे सिंगल आहे.
