Brahmastra New Trailer: नवीन ट्रेलरमध्ये जबरदस्त अॅक्शन सीक्वेन्स

'ब्रह्मास्त्र' रिलीज होण्यास काही दिवस उरले आहेत.वर्षातील सर्वात मोठा चित्रपट मानल्या जाणाऱ्या 'ब्रह्मास्त्र'साठी ओपनिंग डे कलेक्शन खूप महत्त्वाचे असणार आहे.चित्रपटाच्या पहिल्या दिवसाच्या बिझनेसवरून सर्व काही स्पष्ट होईल.निर्माते चित्रपटाच्या प्रमोशनमध्ये कोणतीही कसर सोडत नाहीत.रिलीजच्या 10 दिवस आधीपासून दररोज काही सेकंदांचा प्रोमो व्हिडिओ रिलीज होत आहे.आता शनिवारी 'ब्रह्मास्त्र'चा नवा ट्रेलर आला आहे.

करण जोहर निर्मित या चित्रपटात रणबीर कपूर, अमिताभ बच्चन, आलिया भट्ट, नागार्जुन अक्किनेनी आणि मौनी रॉय यांच्या भूमिका आहेत.चित्रपटाच्या नवीन ट्रेलरमध्ये नवीन शॉट्स आहेत.यात जोरदार अॅक्शन सिक्वेन्स आहेत, ज्याची झलक पाहायला मिळते.तसेच प्राचीन भारतीय शस्त्रांचाही उल्लेख करण्यात आला आहे.त्यापैकी नंदी अस्त्र, वानरस्त्र, प्रभास्त्र, पवनास्त्र, गजास्त्र, नाग धनुष, जलास्त्र, अग्नास्त्र.

ट्रेलरमध्ये अमिताभने रणबीर कपूरला इशारा दिला आहे की ब्रह्मास्त्राचे तीन भाग आहेत आणि तिन्ही एकत्र आल्यास पृथ्वीचे तुकडे होतील.ब्रह्मास्त्रचा एक तुकडा रणबीर कपूर जवळ असतो.मौनी रॉय नकारात्मक भूमिकेत आहे.ती ब्रह्मास्त्राचा एक भाग शोधते.वानरस्त्राची अनेक दृश्ये आहेत.याआधी लीक झालेल्या फोटोंवरून तो शाहरुख खान असल्याचा दावा करण्यात आला होता.नवीन फुटेजमध्ये वानरस्त्र दाखवले आहे पण चेहरा स्पष्ट नाही. 

View this post on Instagram

A post shared by Karan Johar (@karanjohar)

हिंदी व्यतिरिक्त 'ब्रह्मास्त्र' 9 सप्टेंबर रोजी तेलुगू, तमिळ, मल्याळम आणि कन्नड भाषांमध्ये प्रदर्शित होणार आहे.अयान मुखर्जीने याचे दिग्दर्शन केले आहे.अयानने सांगितले होते की, तो 'ये जवानी है दिवानी'च्या वेळेपासून या चित्रपटावर काम करत आहे.या चित्रपटाचे शूटिंग पाच वर्षांपूर्वी सुरू झाले होते.