चला हवा येऊ द्या फेम प्रसिद्ध अभिनेता सागर कारंडे यांची 61 लाखांची फसवणूक

सध्या ऑनलाईन फसवणूकच्या जाळ्यात अनेक जण अडकून त्यांची आर्थिक फसवणूक केल्याच्या प्रकरणात सातत्याने वाढ होत आहे. या फसवणुकीला आता प्रसिद्ध अभिनेता देखील बळी पडत आहे.

चला हवा येऊ द्या फेम अभिनेता सागर कारंडे याची ऑनलाईन फसवणूक झाली असून सागर यांना 61 लाखांचा चुना लावला आहे. 

सध्या ऑनलाईन पैसे दुप्पट करण्याचे आणि पैसे मिळवण्याचे मेसेज सर्रास फिरत आहे. या अमिषाला बळी पडून अनेक जण आर्थिक प्रलोभनाला बळी पडत आहे. सायबर फ्रॉडला बळी पडत अभिनेता सागर कारंडे याने 61 लाख रुपये गमावले आहे. 

इंस्टाग्राम पोस्टला लाईक करून पैसे मिळवण्याचे आमिष दाखवत सायबर गुन्हेगारांनी सागर यांना आपल्या जाळ्यात ओढले. फेब्रुवारी 2025 मध्ये एका अनोळखी महिलेने व्हाट्सअप वरून सागर कारंडे यांना मेसेज करून संपर्क साधला आणि इंस्टाग्रामच्या काही पोस्ट ला लाईक करून पैसे मिळवण्याचे काम करून दिवसाला 6000 हजार रुपये कमवू शकाल असे सांगितले. सागरने हे काम करण्यास स्वीकारले आणि 10 वेळा त्याने काम केल्यास त्यांना 11 हजार रुपये मिळाले. या मुळे सागर यांचा या योजनेवर विश्वास बसला आणि त्याने काम सुरु ठेवण्यासाठी काही गुंतवणूक करून त्यासाठी 30 टक्के कमिशन मिळण्याचे आरोपी महिलेने सांगितले. 

सागरने काही रक्कम या मध्ये गुंतवली. या कामाचे पैसे एका वॉलेट’मध्ये जमा होत असल्याचे आरोपींनी दाखवले. या कामासाठी सागर यांनी 27 लाख रुपये गुंतवले. वॉलेट’माध्यम पैसे काढण्यासाठी टास्क पूर्ण करण्याचे सांगण्यात आले. नंतर सागर यांना अजून 19 लाख रुपये गुंतवायला सांगण्यात आले आणि त्यावर 30 टक्के कर असे एकूण 61 लाख रुपयांहून अधिक घेण्यात आले. मात्र ते पैसे चुकीच्या खात्यात गेल्याचे सांगून अजून पैसे भरण्यास सांगितले.

यावरून सागर यांना फसवणूक झाल्याचा संशय आला आणि त्यांने पोलिसांकडे धाव घेतली. आणि तक्रार दाखल केली. सायबर पोलीस या प्रकरणाचा तपास करत आहे. सायबर पोलिसांनी कोणत्याही अमिषाला बळी न पडण्याचे आवाहन जनतेला केले आहे.   

Edited By - Priya Dixit