आंध्र प्रदेशचे उपमुख्यमंत्री आणि प्रसिद्ध अभिनेते पवन कल्याण यांच्यावर मोठी शस्त्रक्रिया

आंध्र प्रदेशचे उपमुख्यमंत्री पवन कल्याण यांना मुंबईतील कोकिलाबेन रुग्णालयात दाखल करण्यात आले आहे. त्यांच्या हातावर शस्त्रक्रिया करण्यात आली. आंध्र प्रदेशचे मुख्यमंत्री एन. चंद्रबाबू नायडू यांनी मुंबईतील कोकिलाबेन धीरूभाई अंबानी रुग्णालयात राज्याचे उपमुख्यमंत्री आणि जनसेना पक्षाचे अध्यक्ष पवन कल्याण यांची भेट घेतली.  

अभिनेते-राजकारणी पवन कल्याण यांच्या उजव्या खांद्यावर नुकतीच शस्त्रक्रिया झाली असून, सध्या त्यांच्यावर रुग्णालयात उपचार सुरू आहे. अभिनेते प्रकृती सुधारण्याच्या टप्प्यात आहे.  

पवन कल्याण अनेक वर्षांपासून दोन्ही खांद्यांच्या दुखापतीमुळे होणाऱ्या वेदनांनी त्रस्त होते. त्यांच्या उजव्या खांद्याच्या शस्त्रक्रियेदरम्यान, डॉक्टरांना त्यांच्या डाव्या खांद्यातही समस्या असल्याचे आढळले. तथापि, वैद्यकीय टीमने त्यांच्या डाव्या खांद्यावर तात्काळ शस्त्रक्रिया न करण्याचा निर्णय घेतला आहे.

डॉक्टरांनी पवन कल्याण यांना पूर्णपणे विश्रांती घेण्याचा आणि आरोग्यावर लक्ष केंद्रित करण्याचा सक्त सल्ला दिला असला तरी, ते शक्य तितक्या लवकर आपल्या राजकीय आणि प्रशासकीय जबाबदाऱ्या पुन्हा स्वीकारण्यास उत्सुक आहे.

तसेच पवन कल्याण यांनी यापूर्वी कठीण काळाचा सामना केला आहे. एप्रिलमध्ये अभिनेत्याची प्रकृती लक्षणीयरीत्या खालावली होती आणि त्यांना शस्त्रक्रिया करावी लागली होती. या सुपरस्टारला अलीकडेच सायनसचा त्रास झाला होता आणि संसर्ग इतका वाढला की त्याचा परिणाम त्यांच्या डोळ्यावर झाला, ज्यामुळे शस्त्रक्रिया करावी लागली.

Edited By- Dhanashri Naik