जान्हवीच्या फोनमध्ये श्रीदेवीचा फोटो

Janhvi Kapoor's Wallpaper With Her Mom Sridevi सिनेसृष्टीतील स्टार्सच्या आयुष्याशी निगडीत प्रत्येक छोट्या गोष्टीत चाहत्यांना खूप रस असतो. आवडत्या स्टार्सचे दिवसभराचे शेड्यूल, ते काय खातात, त्यांचा पेहराव आणि लाईफस्टाईल प्रत्येक गोष्ट चाहत्यांना आकर्षित करते. त्यांनी त्यांच्या मोबाईल वॉलपेपरवर कोणते चित्र लावाले आहे हे देखील चाहत्यांना जाणून घ्यायचे असते. बाकी स्टार्सबद्दल माहिती नाही, पण अभिनेत्री जान्हवी कपूरबद्दल ही माहिती नक्कीच समोर आली आहे.

2018 मध्ये बॉलिवूडमध्ये पदार्पण करणाऱ्या जान्हवी कपूरची अनेकदा तिची आई श्रीदेवीशी तुलना केली जाते. जान्हवी स्वतः तिच्या आईच्या खूप जवळ होती आणि आजही तिला तिच्या जवळ ठेवते. यामुळेच जान्हवीने तिच्या मोबाईल वॉलपेपरवर आईचा फोटो ठेवला आहे.

जान्हवीचा एक लेटेस्ट व्हिडिओ सोशल मीडियावर व्हायरल होत आहे, ज्यामध्ये एक अशी गोष्ट दिसत आहे, ज्यावर सर्वांच्या नजरा खिळल्या आहेत. खरं तर, विरल भियानीच्या पेजवर पोस्ट केलेल्या व्हिडिओमध्ये तिच्या फोनवरील वॉलपेपर पाहू शकता.

अलीकडेच जान्हवीला मुंबईत पापाराझींनी स्पॉट केले होते. ती रात्री उशिरा स्पॉट झाली होती आणि यावेळी ती कॅज्युअल लूकमध्ये दिसली आणि कॅमेऱ्याकडे हसताना दिसत होती. यावेळी तिने बेज रंगाच्या पँटवर राखाडी रंगाची ओव्हरसाईज हुडी घातली होती.

View this post on Instagram

A post shared by Viral Bhayani (@viralbhayani)

यावेळी काढलेल्या छायाचित्रांमध्ये जान्हवीचा फोनही कैद झाला असून तिच्या मोबाईल स्क्रीनवरील वॉलपेपर स्पष्टपणे दिसत होता. अभिनेत्रीच्या फोन वॉलपेपरवर तिचा बालपणीचा फोटो आहे, ज्यामध्ये ती तिची आई श्रीदेवीसोबत दिसत आहे. अशा प्रकारे जान्हवी नेहमीच तिच्या आईच्या खूप जवळ असते.

जान्हवी कपूरच्या वर्कफ्रंटबद्दल बोलायचे झाले तर ती लवकरच 'मि. एंड मिसेज माही' मध्ये दिसणार आहे. या चित्रपटात ती राजकुमार रावसोबत स्क्रीन शेअर करताना दिसणार आहे.