जगप्रसिद्ध पॉप सिंगर जस्टीन बिबरच्या नवी मुंबईच्या डी.वाय.पाटील स्टेडियमवर रंगलेल्या म्युझिकल कॉन्सर्टला मलायका अरोरा आणि अरबाज खान दोघे एकत्र आले होते. अरबाज आणि मलायकामधील पती-पत्नीचे नाते संपुष्टात आले असले तरी दोघांमध्ये मैत्रीचे नाते अजूनही टिकून आहे. दोघांचा 14 वर्षांचा मुलगा अरहानही त्यांच्यासोबत होता. मलायका तिच्या नेहमीच्या हॉट लूकमध्ये दिसत होती तर अरबाजने ब्लॅक टी-शर्ट आणि जीन्स परिधान केली होती. मागच्यावर्षी मलायका आणि अरबाजमधील 18 वर्षांचे वैवाहिक नाते संपुष्टात आले.