कंगना आणि राजकुमारमध्ये तू तू मैं मैं

कंगना रणावत आणि राजकुार रावच्या मेंटल है क्याचे शूटिंग सध्या लंडनमध्ये सुरू आहे. नुकतेच या सिनेमाचे पोस्टर आणि फर्स्ट लूक रिलीज झाला. आता याचा फर्स्ट व्हिडिओही व्हायरल झला आहे. यामध्ये कंगना आणि राजकुार राव हे एकमेकांशी जोरजोरात वादविवाद घालत असताना दिसते आहे. भांडता भांडताना ते एकमेकांना मेंटल म्हणून हिणवतानाही दिसते आहे. एकता कपूरच्या प्रॉडक्शनखाली बनणारा हा सिनेमा पुढच्या वर्षी रिलीज होणार आहे. कंगना आणि राजकुार राव हे दोघेही यापूर्वी क्वीनमध्ये एकत्र होते आणि त्या सिनेमाला बॉक्स ऑफिसवर चांगले यशही मिळाले होते. हा व्हिडिओ राजकुार रावने आपल्या स्वतःच्या ट्विटर अकाउंटवर पोस्ट केला आहे. कंगना रणावतचे बॉलिवूडमध्ये फार कमी जणांशी पटते. त्यामुळे तिचे आता राजकुार रावशीही भांडण झाले की काय, असा भास हा व्हिडिओ बघताना होण्याची शक्यता आहे. या वर्षाच्या शेवटी ती अश्विनी अय्यरच्या कबड्डशी संबंधित सिनेमाच्या शूटिंगला सुरूवात करणार आहे. तिला प्रथमच एका खेळाडूची भूमिका साकारायची आहे. त्यादृष्टीने तिने आपली शारीरिक क्षमता सुधारण्यासही सुरुवात केली आहे.