सलमान खान सध्या खूप चर्चेत आहे. त्याचा आगामी चित्रपट किसी का भाई किसी की जान ईदच्या खास मुहूर्तावर रिलीज होणार आहे. सलमान खानचा 'किसी का भाई किसी की जान' हा चित्रपट त्याच्या दमदार आणि एकाहून एक सरस कलाकारांमुळे बऱ्याच दिवसांपासून चर्चेत आहे. आज, 10 एप्रिल रोजी 'किसी का भाई किसी की जान'चा ट्रेलर प्रदर्शित होत असून,चित्रपटाचा ट्रेलर लॉन्च होण्यापूर्वी सलमान खानने सोशल मीडियावर घोषणा केली आहे की, किसी का भाई किसी की जानचा ट्रेलर आज म्हणजेच 10 एप्रिल रोजी संध्याकाळी 6 वाजता लॉन्च होणार आहे.सलमानच्या या आगामी चित्रपटातील 5 गाणी आतापर्यंत रिलीज झाली आहेत, जी लोकांना खूप आवडली आहेत. आता निर्माते या चित्रपटाच्या ट्रेलर रिलीजच्या तयारीत व्यस्त आहेत.
सलमान खानचा 'किसी का भाई किसी की जान' हा चित्रपट गेल्या वर्षभरापासून चर्चेत आहे. या चित्रपटाचे नाव आधी 'कभी ईद कभी दिवाळी' असे होते, जे काही महिन्यांपूर्वी बदलण्यात आले होते. चाहत्यांना आश्चर्यचकित करत सलमान खानने पठाणसोबत त्याच्या चित्रपटाचा टीझर प्रदर्शित केला. तर, आता किसी का भाई किसी की जान रिलीजच्या अगदी जवळ पोहोचली आहे. चाहते या चित्रपटाची आतुरतेने वाट पाहत आहेत.
या चित्रपटात पूजा हेगडे, साऊथ स्टार वेंकटेश, भूमिका चावला, शहनाज गिल, पलक तिवारी असे अनेक स्टार्स आहेत. हा चित्रपट दिग्दर्शक फरहाद सामजी यांनी दिग्दर्शित केला असून सलमा खान निर्मित आहे. हा चित्रपट 21 एप्रिल 2023 रोजी थिएटरमध्ये प्रदर्शित होणार आहे.
