येत्या 15 ऑगस्ट 2019 रोजी एकाच वेळी तब्बल 4 चित्रपट प्रदर्शित होणार आहेत. त्यामध्ये बाटला हाऊस, मिशन मंगल, साहो आणि मेड इन चायना या चार चित्रपटांचा समावेश आहे.
स्वातंत्र्य दिनी जॉन अब्राहम अभिनित ‘बाटला हाउस’, अक्षय कुमारचा ‘मिशन मंगल’, बाहुबली फेम प्रभासचा ‘साहो’ आणि राजकुमार रावचा ‘मेड इन चायना’ हे एकाचवेळी प्रदर्शित होत आहेत. एरवी फारतर दोन किंवा तीन चित्रपट एकाच दिवशी प्रदर्शित झाल्यास बॉक्स ऑफिसवर चांगलीच रस्सीखेच पाहायला मिळते. मात्र, चार चित्रपट एकाच वेळी प्रदर्शित झाल्यास बॉक्स ऑफिसवर मोठा परिणाम होऊन काही चित्रपटांना त्याचा फटका बसू शकतो.
या चार चित्रपटांपौकी बाटला हाउस, मिशन मंगल आणि मेड इन चायना हे तीन चित्रपट देशभक्तीवर आधारित असल्यामुळे तिघांच्याही प्रदर्शनात बदल होण्याची कोणतीच शक्यता दिसत नाही.