लोकप्रिय वेब सिरीज मिर्झापूर फेम अभिनेता शाहनवाज प्रधान यांचे निधन झाले आहे. त्यांचे चाहते आणि बॉलिवूड आणि टीव्ही सेलिब्रिटी सोशल मीडियाच्या माध्यमातून अभिनेत्याला श्रद्धांजली वाहत आहेत. इतकंच नाही तर ते त्यांच्या अभिनय कारकिर्दीची आठवण काढताना दिसत आहे.
बातमीनुसार 56 वर्षीय शाहनवाज प्रधान एका कार्यक्रमाचा भाग बनले होते. जिथे त्यांनी छातीत दुखत असल्याची तक्रार केली. यानंतर लगेचच त्यांना रुग्णालयात नेण्यात आले. अभिनेत्याला रुग्णालयात डॉक्टरांनी मृत घोषित केले. शाहनवाजचा सहअभिनेता राजेश तैलंगने सोशल मीडियाच्या माध्यमातून या वृत्ताला दुजोरा दिला आहे. अभिनेत्याने सोशल मीडियावर ट्विट केले आणि लिहिले, शाहनवाज भावाला शेवटचा सलाम!!! किती अप्रतिम माणूस होतास आणि किती चांगला अभिनेता होतास. मिर्झापूर दरम्यान मी तुझ्यासोबत किती सुंदर वेळ घालवला यावर विश्वास बसत नाही.
शाहनवाज प्रधान मिर्झापूरमध्ये गुड्डू भैय्याचे सासरे म्हणून लोकप्रिय झाले होते. वास्तविक त्याने या मालिकेत श्वेता (गोलू) आणि श्रिया पिळगावकर म्हणजेच स्वीटीचे वडील परशुराम गुप्ता यांची भूमिका साकारली होती. शाहनवाज याआधी 80 च्या दशकातील टीव्ही मालिकांमध्ये लोकप्रिय झाले होते. याशिवाय ते सैफ अली खान आणि कतरिना कैफच्या फँटम चित्रपटासह अनेक बॉलिवूड चित्रपटांमध्येही दिसला आहे. आगामी चित्रपटाबद्दल बोलयाचे तर त्यांनी नुकताच त्यांचा नवीन चित्रपट मिड डे मील प्रदर्शित केला, ज्यानंतर ते लवकरच मिर्झापूर 3 मध्ये दिसणार आहे.
