मिथुन चक्रवर्ती यांची मुलगी दिशानी चक्रवर्तीने तिच्या परदेशी प्रियकरासोबत साखरपुडा उरकला

ज्येष्ठ बॉलिवूड अभिनेते मिथुन चक्रवर्ती यांच्या घरी लवकरच लग्नाची तयारी सुरू होणार आहे. त्यांची लाडकी मुलगी दिशानी चक्रवर्ती हिचा तिचा परदेशी प्रियकर माईल्स मँटझारिससोबत साखरपुडा झाला आहे. दिशानीने तिच्या अधिकृत इंस्टाग्राम हँडलवर या सुंदर क्षणाचे काही अत्यंत रोमँटिक फोटो शेअर केले आहेत आणि चाहते व जवळचे मित्र या जोडप्याला त्यांच्या नवीन प्रवासासाठी सतत शुभेच्छा देत आहे.

View this post on Instagram

A post shared by Dishani Chakraborty (@dishanichakraborty)

दिशानी चक्रवर्तीने शेअर केलेल्या फोटोंमध्ये, प्रपोजलचा सीन एखाद्या चित्रपटातील दृश्यासारखा दिसतो. मावळता सूर्य, आजूबाजूला उमललेली सूर्यफुले आणि मेणबत्त्यांच्या प्रकाशात, माईल्स समुद्रकिनाऱ्यावर एका गुडघ्यावर बसून दिशानीला प्रपोज करताना दिसत आहे. या जोडप्याने एक संयुक्त पोस्ट शेअर केली आहे. पहिल्या फोटोमध्ये, माईल्स एका गुडघ्यावर बसून अंगठी घालत आहे, तर दुसऱ्या फोटोमध्ये दिशानी हसत आहे आणि तिची सुंदर हिऱ्याची अंगठी दाखवत आहे.  

फोटोंमध्ये, दिशा पांढऱ्या रंगाच्या कॉर्सेट ड्रेसमध्ये खूपच सुंदर दिसत आहे, तर माईल्स गडद रंगाचा शर्ट आणि राखाडी रंगाच्या ट्राउझर्समध्ये दिसत आहे. दिशाने हे फोटो एका गोड आणि भावनिक कॅप्शनसह पोस्ट केले आहेत. तिने त्यांच्या लग्नाची तारीखही जाहीर केली.

या जोडप्याने कॅप्शनमध्ये लिहिले आहे, "०६.१२.२०२६... माझ्या आयुष्यातील निर्णय." दिशाच्या पोस्टवरून हे स्पष्ट होते की, हे जोडपे ६ डिसेंबर २०२६ रोजी विवाहबंधनात अडकणार आहे.  

View this post on Instagram

A post shared by Dishani Chakraborty (@dishanichakraborty)

मिथुन चक्रवर्तीचा भावी जावई, माईल्स कोण आहे?

माईल्स मँटझारिस, हा देखील मनोरंजन उद्योगातील आहे. त्याच्या इंस्टाग्राम बायोनुसार, माईल्स एक व्यावसायिक स्टेडीकॅम ऑपरेटर आणि कलररिस्ट आहे. तो सिनेमॅटिक व्हिज्युअल्स अधिक प्रभावी करण्यासाठी पडद्यामागे काम करतो. दिशानीने स्वतः चित्रपट निर्मितीचे शिक्षण घेतले असून 'द गेस्ट' आणि 'फ्रूट बाऊल' यांसारख्या लघुपटांमध्ये काम केले आहे, तसेच ती पडद्यामागील लेखन आणि निर्मितीमध्येही सहभागी आहे.

दिशानी चक्रवर्ती ही मिथुन चक्रवर्ती आणि त्यांच्या पत्नी योगिता बाली यांची दत्तक मुलगी आहे. मिथुन आणि योगिता यांचे लग्न १९७९ मध्ये झाले. या जोडप्याला मिमोह, उश्मे आणि नमाशी चक्रवर्ती हे तीन मुलगे आहेत. मिथुन आणि त्यांच्या संपूर्ण कुटुंबाने दिशानीला नेहमीच खूप मान दिला आहे आणि या चार भावंडांचे एकमेकांवर खूप प्रेम आहे. 

Edited By- Dhanashri Naik