मिशेल ओबामांवर रामूचे वर्णद्वेषी ट्विट

मुंबई- प्रदीर्घ राजकीय अनुभव असलेल्या डेमोक्रॅटिक पक्षाच्या उमेदवार हिलरी क्लिंटन यांच्या दणदणीत पराभव करत रिपब्लिकन पक्षाचे डोनाल्ड ट्रम्प अमेरिकेचे 45 वे राष्ट्राध्यक्ष बनल्यामुळे अनेकांना मोठा धक्का बसला आहे.

हॉलीवूड, बॉलिवूड सेलिब्रिटींसह नेटीझन्सनीही यावर विविध प्रतिक्रिया नोंदवत नाराजी दर्शवली असतानाच विविध वादग्रस्त वक्तव्यांमुळे सतत चर्चेत राहणार्‍या दिग्दर्शक राम गोपाल वर्मानेही वर्णद्वेषी ट्विट करत नव्या वादाला तोंड फोडले आहे.

यावेळी रामूने चक्क नवे राष्ट्राध्यक्ष ट्रम्प यांची पत्नी व अ‍मेरिकीची फर्स्ट लेडी मेलेनिया ट्रम्प आणि माजी राष्ट्राध्यक्ष बराक ओबामा यांची पत्नी मिशेल ओबामा यांची तुलना करताना एक ट्विट केले आहे.

रामूने लिहिले आहे की 'काही कारणामुळे मला आधीच्या फर्स्ट लेडीपेक्षा (मिशेल ओबामा) सध्याची फर्स्ट लेडी ( मेलेनिया ट्रम्प) जास्त आवडते. असे का हे कोणी सांगू शकेल का?' असा सवाल विचारत त्यांनी दोघींचा फोटोही पोस्ट केला.