सपनाचे देशी 'ठुमके'

सपना चौधरी ही गायन आणि नृत्यात धमाल उडवून दिल्यानंतर आता चित्रपटात धमाकेदार एंट्री करण्यासाठी सज्ज  झाली आहे. तिचा पहिला चित्रपट 'दोस्ती के साईड इफेक्टस्‌'चे ट्रेलर प्रदर्शित झाले आहे. यू-ट्यूबवर या चित्रपटाचे ट्रेलर पाहता आपल्या देशी ठुमक्यांतून चाहत्यांवर राज्य करणारी सपना चौधरी आता मोठ्या पडद्यावरही राज्य करण्यासाठी सज्ज झाल्याचे दिसून येते. दोस्ती के साइड इफेक्टस्‌मध्ये मैत्री, कटकारस्थान आणि संघर्ष यांचा समावेश आहे. ट्रेलरच्या प्रारंभीच सपना ही एक कॉलेज विद्यार्थिनीच्या रूपातून दिसते. चित्रपटाच्या टीझरमध्ये सपना ही आपल्या चार मित्राच्या गोष्टी घेऊन आल्याचे दाखविले आहे. हे मित्र आयुष्यात काहीतरी करून दाखवण्यासाठी धडपड करत असतात. मात्र, प्रत्यक्षात वेगळेच घडते आणि त्यांच्या आयुष्यालावळण मिळते. यादरम्यान त्यांना अनेक संकटांचा सामना करावा लागतो. हा चित्रपट चालू महिन्यातच प्रदर्शित होणार आहे. अलीकडेच या चित्रपटातील पहिले गाणे रिलीज झाले आहे. त्यात नेहीप्रमाणे ती नृत्य करताना दाखविले आहे. या गीताचे बोल 'ट्रिंग ट्रिंग' आहे. हे गीत अनिया सय्यदने म्हटले आहे तर संगीत अल्ताफ सय्यद आणि मैनी वर्माने दिले आहे. सपना चौधरीने आपल्या दिलकश अदाकारीने आपला चाहता वर्ग निर्माण केला आहे. मात्र, या चित्रपटातून ती वेगळ्याच भूमिकेतून समोर येत आहे. श्रोत्यांना देखील हे गाणे बर्‍यापैकी आवडले आहे.