काशीच्या हिंदू विश्वविद्यालयाच्या आयुर्वेद विभागाने कोरोनावरील आयुर्वेदिक औषध तयार केल्याचा दावा केला आहे. विशेष म्हणजे हे औषध ४० वर्षांपूर्वीच तयार करण्यात आले होते, असे या विश्वविद्यालयाचे म्हणणे आहे. या दाव्यानुसार आयुष मंत्रालयाने बीएचयुच्या आयुर्वेद विभागाच्या दाव्यावर विश्वास ठेवून औषधाच्या चाचणीला परवानगी दिली आहे. चाचणीच्या तीन महिन्यानंतर बीएचयू आयुर्वेद विभाग अहवाल आयुष मंत्रालयाकडे सोपविणार आहे.
बीएचयू आयुर्वेदचे माजी प्राध्यापक एस एन त्रिपाठी यांनी हे औषध शोधले होते. या औषधामध्ये लाजरी, अडुळसा, ज्येष्ठमध, तेजपत्ता आणि कंडकारीच्या रसापासून हे ‘शिरीषादि कसाय’ हे औषध बनविण्यात आले होते.
