कोरोनाचा प्रादुर्भाव किती जीवघेणा ठरला आहे, याचा अंदाज मृतांच्या आकडेवारीवरून लावता येतो. या महामारीमुळे जगभरातील मृतांचा आकडा 60 लाखांवर पोहोचण्याच्या मार्गावर आहे. तिसर्‍या वर्षात दाखल झालेली महामारी अजून संपलेली नाही हेच यावरून दिसून येते.
हाँगकाँगमध्येही मृतांच्या संख्येत वाढ होताना दिसत आहे. येथे या महिन्यात तीन वेळा संपूर्ण लोकसंख्येची तपासणी केली जात आहे. पोलंड, हंगेरी, रोमानिया आणि इतर पूर्व युरोपीय देशांमध्ये मृत्यूचे प्रमाण जास्त आहे. युद्धग्रस्त युक्रेनमधून या प्रदेशात दहा लाखांहून अधिक निर्वासित आले आहेत. तर, निधी आणि लसींची उपलब्धता असूनही, यूएसमध्ये मृतांची संख्या दहा लाखांच्या जवळ आहे. विषाणूविरूद्ध लसीकरण न झालेल्या लोकांमध्ये जगभरात मृत्यूचे प्रमाण अजूनही सर्वाधिक आहे.
