राज्यात कोरोना बाधितांच्या दैनंदिन रुग्णसंख्येत घट झाल्याचे दिसत आहे. बरे होणाऱ्या रुग्णांची संख्या देखील वाढली आहे. याबरोबरच दैनंदिन मृत्यूची संख्या कमी आहे. त्यामुळे राज्याला मोठा दिलासा मिळाला आहे. राज्यात शुक्रवारी 3,063 नवीन रुग्णांची नोंद करण्यात आली आहे. तर 3,198 रुग्ण कोरोनामुक्त झाले आहेत.
राज्यात आतापर्यंत 63 लाख 71 हजार 728 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण (Recovery rate) 97.27 टक्के आहे. तसेच दिवसभरात 56 कोरोना बाधित रुग्णांचा मृत्यू झाला आहे. राज्यात आजपर्यंत 1 लाख 39 हजार 067 रुग्णांचा मृत्यू झाला आहे. त्यामुळे राज्यातील मृत्यूदर (Case Fatality Rate) 2.12 टक्के इतका झाला आहे.
सध्या राज्यात 36 हजार 484 रुग्णांवर उपचार सुरु आहेत. राज्यात आजपर्यंत तपासण्यात आलेल्या 5 कोटी 87 लाख 39 हजार 974 प्रयोगशाळा नमुन्यांपैकी 65 लाख 50 हजार 856 नमुने पॉझिटिव्ह आले आहेत. राज्यात सध्या 2 लाख 45 हजार 427 लोक होम क्वारंटाईन आहेत तर 1,423 लोक संस्थात्मक क्वारंटाईनमध्ये आहेत.
