Dhanteras 2025: धनत्रयोदशीला काय करावे आणि काय टाळावे

Dhanteras 2025: दिवाळीचा सण वसू वारसे पासून सुरू होतो आणि धनत्रयोदशीच्या दिवशी धनाचे  स्वामी कुबेर आणि माता लक्ष्मीची पूजा केली जाते. धन, समृद्धी आणि आरोग्य यांच्याशी संबंधित आहे. या दिवशी काही शुभ गोष्टी करणे आणि काही गोष्टी टाळणे शास्त्रानुसार आणि परंपरेनुसार महत्त्वाचे मानले जाते.

या दिवशी सोने, चांदी किंवा भांडी खरेदी करणे खूप शुभ मानले जाते. या वेळी धनत्रयोदशीचा सण 18  ऑक्टोबर रोजी साजरा केला जाणार आहे. धनत्रयोदशीच्या संध्याकाळी काही अशी कामे आहेत जी चुकूनही करू नयेत. या गोष्टी केल्याने सुख-समृद्धी मध्ये बाधा येते आणि वर्षभर त्याचा त्रास होतो.चला कोणती कामे आहेत जी करावी /करू नये. 

घराची स्वच्छता करणे

घर स्वच्छ आणि सुंदर ठेवावे. रांगोळी काढावी आणि घरात सकारात्मक वातावरण निर्माण करावे.

दिवे लावणे:

संध्याकाळी घराच्या मुख्य प्रवेशद्वारावर आणि घरात तुपाचे किंवा तेलाचे दिवे लावावेत. यामुळे नकारात्मक ऊर्जा दूर होते.

धन्वंतरी पूजन करा:

धन्वंतरी, आयुर्वेदाचे देवता, यांचे पूजन करावे. यामुळे आरोग्य आणि दीर्घायुष्य मिळते.

यासाठी धन्वंतरी मंत्राचा जप करू शकता.

दान-धर्म करा:

गरजूंना अन्न, वस्त्र किंवा पैशाचे दान करावे. यामुळे पुण्य मिळते आणि धनवृद्धी होते.

नवीन व्यवसाय किंवा गुंतवणूक करा:

नवीन व्यवसाय सुरू करणे किंवा गुंतवणूक करणे यासाठी हा दिवस शुभ मानला जातो.

संध्याकाळी या दिशेला यम दिवा लावा-

धनत्रयोदशीच्या दिवशी दक्षिण दिशेला दिवा लावायला विसरू नका. दिव्यात एक नाणे आणि कवडी ठेवा आणि नंतर दक्षिणेकडे तोंड करून पितरांचे ध्यान करा. असे केल्याने अकाली मृत्यूचे भय नाहीसे होऊन रोगमुक्त जीवन प्राप्त होते. तसेच पितरांचे स्मरण केल्याने घरात सुख, शांती आणि समृद्धी नांदते.

संध्याकाळी येथे पाच दिवे लावा-

धनत्रयोदशीच्या दिवशी पाच दिवे लावा आणि धनाची देवी लक्ष्मी देवीजवळ पूजेच्या खोलीत ठेवा. यानंतर प्रवेश दारा जवळ, विहीर, नळ, हातपंप अशा पाण्याची जागा प्रत्येकी एक दिवा लावावा. असे केल्याने घरात देवी लक्ष्मी वास करते आणि घरात कधीही धन आणि धान्याची कमतरता भासत नाही.

धणे खरेदी करा- 

धनत्रयोदशीच्या दिवशी संपूर्ण धणे खरेदी करायला विसरू नका. धणे हे समृद्धीचे प्रतीक मानले जाते, म्हणून धनत्रयोदशीच्या दिवशी धणे खरेदी करणे आवश्यक आहे. धनत्रयोदशीच्या पूजेच्या वेळी देवी लक्ष्मी आणि भगवान धन्वंतरी यांच्या चरणी धणे अर्पण करावेत, असे मानले जाते. यानंतर दिवाळीत लक्ष्मीपूजनात धण्याच्या समावेश करा. असे केल्याने वर्षभर धन-समृद्धी आणि सुख-समृद्धी राहते आणि भगवान कुबेरांचा आशीर्वाद राहतो.

हे काम करू नका-

धनत्रयोदशीच्या दिवसापासून लक्ष्मीपूजन सुरू होते, त्यामुळे संध्याकाळी घर रिकामे ठेवू नका. अनेक वेळा धनत्रयोदशीच्या खरेदीमुळे लोक घराला कुलूप लावून बाहेर पडतात, असे करणे अशुभ मानले जाते. संध्याकाळच्या वेळी घरात कोणीतरी सदस्य असला पाहिजे आणि घराचे प्रवेश द्वार उघडे ठेवा.

संध्याकाळी पैशांचे व्यवहार करू नका-

धनत्रयोदशीच्या संध्याकाळी कोणाशीही पैशाचा व्यवहार करू नये. धनत्रयोदशीच्या दिवशी देवी लक्ष्मीला घरी बोलावून पूजा केली जाते. त्यामुळे या दिवशी कोणाकडूनही पैसे घेऊ नका आणि देऊ नका. धनत्रयोदशीच्या दिवशी कोणताही पैशांचा व्यवहार केल्यास देवी लक्ष्मी येण्याऐवजी निघून जाते. त्यामुळे पैशाचे व्यवहार संध्याकाळी करू नयेत.

लोखंडी वस्तू खरेदी करू नका - 

लोह हा शनिदेवाचा कारक मानला जातो. अशा परिस्थितीत धनत्रयोदशीच्या मुहूर्तावर लोखंडापासून बनवलेल्या वस्तू खरेदी करू नयेत. लोखंडी वस्तू विकत घेतल्यास भगवान कुबेरांचा आशीर्वाद मिळत नाही. 

स्टीलच्या वस्तू खरेदी करणे टाळा-

धनत्रयोदशीच्या दिवशी लोक स्टीलच्या वस्तू खरेदी करून त्यांच्या घरी आणतात. पण स्टील शुद्ध धातू नाही. मान्यतेनुसार त्यावर राहूचा प्रभाव जास्त असतो. धनत्रयोदशीच्या निमित्ताने तुम्ही स्टीलची वस्तू घेणे टाळा.

उधार देणे किंवा घेणे टाळा :

या दिवशी कोणाकडून पैसे उधार घेऊ नयेत किंवा कोणाला उधार देऊ नयेत. यामुळे आर्थिक नुकसान होऊ शकते.

विवाद आणि भांडणे टाळा:

कोणाशीही वाद किंवा भांडणे टाळावीत. यामुळे घरातील सकारात्मक ऊर्जा कमी होऊ शकते.

अपवित्र गोष्टी करणे टाळा:

घरात अस्वच्छता ठेवू नये. तसेच मांसाहार, मद्यपान किंवा इतर अपवित्र गोष्टी टाळाव्यात.

नकारात्मक विचार:

नकारात्मक विचार किंवा चिंता टाळावी. या दिवशी सकारात्मक आणि शांत मनाने पूजा करावी.

जुन्या वस्तूंचा वापर करणे टाळा:

शक्यतो जुन्या भांड्यांऐवजी नवीन भांडी वापरावीत. तसेच फाटलेले कपडे किंवा खराब वस्तूंचा वापर टाळावा.

अंधार ठेवणे:

घरात अंधार ठेवू नये. संध्याकाळी सर्वत्र दिवे लावून प्रकाशमय वातावरण ठेवावे.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे. या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited by - Priya Dixit