Imli Panna चवीला आंबट-गोड आणि अतिशय चटपटीत असे चिंचेचे पन्हे

उन्हाळ्याच्या दिवसांत शरीराला थंडावा देण्यासाठी आपण कैरीचे पन्हे नेहमीच बनवतो, पण तुम्ही कधी चिंचेचे पन्हे ट्राय केले आहे का? चिंच, गूळ आणि मसाल्यांपासून बनणारे हे पन्हे चवीला आंबट-गोड आणि अतिशय चटपटीत लागते. उन्हाळ्याच्या त्रासापासून आराम मिळवण्यासाठी आणि पचनक्रिया सुधारण्यासाठी हे उत्तम पेय आहे. चला तर मग जाणून घेऊया चिंचेचे पन्हे बनवण्याची सोपी रेसिपी

साहित्य-

चिंच: १/२ कप (बिया काढलेली)

गूळ: ३/४ कप ते १ कप (किसलेला, आवडीनुसार कमी-जास्त करू शकता)

मसाले: * १ चमचा भाजलेली जिरे पावडर

१/२ चमचा काळे मीठ 

१/२ चमचा चाट मसाला

१/४ चमचा सुंठ पावडर ऐच्छिक

चिमूटभर साधे मीठ

४-५ कप थंड पाणी, पुदिन्याची पाने आणि बर्फाचे तुकडे

कृती-

१. चिंच आणि गूळ भिजवणे: सर्वात आधी चिंच स्वच्छ धुवून घ्या. त्यानंतर १ कप कोमट पाण्यात चिंच आणि किसलेला गूळ ४-५ तास भिजत ठेवा. (घाई असल्यास, तुम्ही चिंच आणि गूळ १ कप पाण्यात घालून गॅसवर ५ ते ७ मिनिटे उकळवून घेऊ शकता, ज्यामुळे चिंच लगेच मऊ होईल).

२. कोळ तयार करणे: चिंच आणि गूळ व्यवस्थित भिजल्यानंतर हाताने चांगले मॅश करून घ्या. आता हे मिश्रण एका गाळणीने चांगल्या प्रकारे गाळून घ्या, जेणेकरून चिंचेचे धागे किंवा कचरा वेगळा होईल आणि आपल्याला गुळगुळीत कोळ मिळेल.

३. मसाले मिक्स करणे: गाळून घेतलेल्या चिंच-गुळाच्या पाण्यात भाजलेली जिरे पावडर, काळे मीठ, चाट मसाला, सुंठ पावडर आणि साधे मीठ घालून चमच्याने व्यवस्थित मिक्स करा.

४. पन्हे तयार करणे: या तयार मिश्रणात ३ ते ४ कप थंड पाणी घाला आणि व्यवस्थित ढवळून घ्या. चव चाखून पहा, आवश्यकतेनुसार अजून थोडा गूळ किंवा पाणी तुम्ही वाढवू शकता. आता ग्लासमध्ये ३-४ बर्फाचे तुकडे टाका. त्यावर तयार केलेले चिंचेचे पन्हे ओता. वरून फ्रेश पुदिन्याची पाने आणि थोडी जिरे पावडर भुरभुरून थंडगार सर्व्ह करा!

तुम्ही हा चिंच-गुळाचा घट्ट कोळ मसाल्यांसह बनवून काचेच्या बाटलीत फ्रिजमध्ये १ महिना स्टोअर करू शकता. जेव्हा पन्हे प्यायचे असेल, तेव्हा ग्लासमध्ये ४ चमचे हा कोळ, थंड पाणी आणि बर्फ टाकून झटपट पन्हे तयार करू शकता.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik