Marathi Biodata Maker
✕

लक्ष्मी आई आली

Webdunia
लक्ष्मी आई आली
तूं ग आल्याली जाऊं नको
बाळाचा माझ्या
धरला पालव सोडूं नको
 
लक्ष्मी आई आली
आली बैलाच्या ग नकीं
माजा ग बाळराजा
धड्यानं सोनं जोकी
 
लक्ष्मी आई आली
आली शेता नि शिवारांत
सावळ्या बाळराजा
पाणी तुझ्या कीं घागरींत
 
लक्ष्मी आई आली
आली शेताच्या बांधासडीं
माझा ग बाळराजा
हातीं गोफण पाया पडी
 
लक्ष्मी आई आली
धर माज्या तूं पदराला
नेणती माझी बाळ
धनी दावून देतो तुला
 
लक्ष्मी आई आली
धर माझ्या त्या हातायाला
पित्या माझ्या दौलताच्या
दोघी जाऊं त्या शेतायाला
 
लक्ष्मी आई आली
उभी राहिली मधल्या बांधा
जडावा माझा बंदु
कुरी रेटीतो गोरा चांद
 
लक्ष्मी आई आली
हातीं तांब्या तो अमृताचा
जडाव्या बंधुजीचा
वाडा विचारी समृताचा
 
लक्ष्मी आई आली
धरी हाताची करंगळी
पित्या माज्या दौलताची
चल दावीतें सोपामाळी
 
लक्ष्मी ग आई
चल शीवेच्या शेता जाऊं
चल धावेव हुबा र्‍हाऊं
 
लक्ष्मी ग आई
चारी कोपर आमी पाहूं
हिरीं बारवीं पाणी पिऊं
 
लक्ष्मी ग आई
चल आमुच्या शेतायाला
दुवा पित्याला दियाला
 
लक्ष्मी आई आली
तांब्यानं ताक पेली
बंदुरायाला माज्या
गवळ्याला हांक दिली
 
लक्ष्मी आई आली
मोत्यापवळ्यांनी वटी भरा
झाल्या तिन्ही सांजा
दिव्याची ग वात करा
 
लक्ष्मी आई आली
आली पांगळ्या पायाची
बंदूला करती बोली
न्हाई परत जायाची
 
लक्ष्मी आई आली
आली उठत बसयीत
माज्या ग हावशाचा
वाडा गवळ्याचा पुसयीत
अस्तुरी पुरुषाचा
दोनीचा नित्य दावा
 
लक्ष्मी आई बोल
मी उगीच आली देवा
अस्तुरी पुरुषाचं
दोनीचं एक चित्त
 
लक्ष्मी आई बोल
मी आल्यानं न्हाई हित
 
ईश्वबीराच्या पिंडीं
बेल वाहिला शिळाताजा
ताईता बंदू माजा
पुत्र मागून आला राजा
 
ईश्वबीराच्या पिंडीं
सासू मालन माजी गेली
हळदीकुंकवाची
रास खंडूनी मला दिली
 
ईश्वबीराच्या पिंडीं
बाई म्यां वाहिल पिवळ सातू
बाळाईचं माज्या बाळ
हौससारक माज नातू

संबंधित माहिती

सर्व पहा

नवीन

आवळा नवमी २०२६: तारीख, शुभ मुहूर्त, पूजा विधी आणि या दिवसाचे धार्मिक महत्त्व जाणून घ्या!

मारुतीरायाची कृपा प्राप्त करण्यासाठी मंगळवारी या प्रकारे आराधना करावी

श्री सद्गुरु शंकर महाराजांची आरती

Gopashtami 2026: आज गोपाष्टमी, पूजा शुभ मुहूर्त आणि गाईला काय खायला द्यावे? जाणून घ्या

श्री स्वामी समर्थांचे परमप्रिय शिष्य – श्री शंकर महाराजांचे अलौकिक जीवन

सर्व पहा

नक्की वाचा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

पुढील लेख
Show comments