Shri Gangadhar Suprabhatam श्री गङ्गाधर सुप्रभातम्

श्री गङ्गाधर सुप्रभातम्

श्रीहैमवतीसमेतश्रीगङ्गाधरेश्वरस्वामिने नमः ।

अगजाननपद्मार्कं गजाननमहर्निशम् ।

 अनेकदन्तं भक्तानामेकदन्तमुपास्महे ॥ १ ॥

प्रातः स्मरामि परमेश्वरवक्त्रपद्मं 

फालाक्षकीलपरिशोषितपञ्चबाणम् । 

भस्मत्रिपुण्ड्ररचितं फणिकुण्डलास्यं 

कुन्देन्दुचन्दनसुधारसमन्दहासम् ॥ २ ॥

प्रातः स्मरामि परमेश्वरबाहुदण्डा- 

न्खट्वाङ्गशूलहरिणासुपिनाकयुक्तान् । 

गौरीकपोलकुचरञ्जितपत्रलेखा-

 न्सौवर्णकङ्कणमणिद्युतिभासमानान् ॥ ३ ॥

प्रातः स्मरामि परमेश्वरपादपद्मं 

पद्मोद्भवामरमुनीन्द्रमनोनिवासम् । 

पद्माक्षनेत्रसरसीरुहपूजनीयं 

पद्माङ्कुशध्वजसरोरुहलाञ्छनाढ्यम् ॥ ४ ॥

प्रातःस्मरामि परमेश्वरपुण्यमूर्ति

 कर्पूरकुन्दधवलं गजचर्मचैलम् ।

 गङ्गाधरं कनकबद्धविभासमानं 

कात्यायनीतनुविभूषितवामभागम् ॥ ५ ॥

प्रातः स्मरामि परमेश्वरपुण्यनाम 

श्रेयः प्रदं सकलदुःखविनाशहेतुम् ।

 संसारतापशमनं कलिकल्मषघ्नं 

गोकोटिदानफलदं स्मरणेन पुंसाम् ॥ ६ ॥