18 वर्षीय प्रसिद्ध अभिनेत्रीचा अपघातात मृत्यू

हॉलिवूड चित्रपटसृष्टीतून एक दुःखद बातमी समोर आली आहे. 'गॉडझिला व्हर्सेस काँग' आणि 'गॉडझिला एक्स काँग: द न्यू एम्पायर' या सुपरहिरो आणि मॉन्स्टर ब्लॉकबस्टर चित्रपटांमधील 'जिया' या दमदार भूमिकेसाठी ओळखली जाणारी अभिनेत्री केली हॉटल हिचे निधन झाले आहे. ती अवघ्या १८ वर्षांची होती.

मेरीलँडमधील फ्रेडरिक येथे एका भीषण रस्ते अपघातात केली हॉटलचा मृत्यू झाला. तिच्या अचानक झालेल्या मृत्यूने हॉलिवूड चित्रपटसृष्टी आणि तिच्या लाखो चाहत्यांना धक्का बसला आहे. केली हॉटलचे वडील, जोशुआ हॉटल यांनी अमेरिकन सांकेतिक भाषेत (ASL) फेसबुक लाईव्ह स्ट्रीमद्वारे ही दुःखद बातमी दिली. नंतर टीएमझेड (TMZ) या माध्यम संस्थेशी बोलताना त्यांनी आपल्या मुलीच्या मृत्यूला दुजोरा दिला.

जोशुआ हॉटल यांनी सांगितले की, अपघातानंतर आपत्कालीन प्रतिसाद पथके तात्काळ घटनास्थळी पोहोचली आणि त्यांनी प्रथमोपचार केले. त्यानंतर त्यांना रुग्णवाहिकेने रुग्णालयात नेण्यात आले. मात्र, रुग्णालयात नेत असताना वाटेतच त्यांच्या हृदयाचे ठोके थांबले. 

केली हॉटलची सर्वात उल्लेखनीय प्रतिभा ही होती की, ती अनेक पिढ्यांपासून कर्णबधिर आणि मुकबधिर असलेल्या कुटुंबातून आली होती. तिचे वडील आणि तिच्या कुटुंबातील अनेक आधीच्या पिढ्या जन्मतःच कर्णबधिर आणि मुकबधिर होत्या. तिने आपल्या अपंगत्वाला कधीही कमजोरी बनू दिले नाही, उलट तिने हॉलिवूडमध्ये एक नवीन आदर्श निर्माण केला.

'जिया' या पात्रामुळे ओळख मिळाली. 

केली हॉटलने २०२१ च्या ब्लॉकबस्टर चित्रपट "गॉडझिला व्हर्सेस काँग" मधून हॉलिवूडमध्ये पदार्पण केले. या चित्रपटात तिने जिया नावाच्या एका अनाथ, कर्णबधिर आणि मुक्या मुलीची भूमिका साकारली, जी सांकेतिक भाषेच्या माध्यमातून महाकाय काँगशी संवाद साधू शकत होती आणि त्याच्या खूप जवळ आली होती. रेबेका हॉलसोबतची तिची केमिस्ट्री आणि चित्रपटातील तिच्या भावनिक दृश्यांनी प्रेक्षकांची मने जिंकली.

Edited By- Dhanashri Naik