26 people died after boat capsized नायजेरियातील सेंट्रल नायजर राज्यातील मोकवा भागात बोट उलटून 26 जणांचा मृत्यू झाला, तर सुमारे 44 लोक अद्याप बेपत्ता आहेत. नायजर स्टेट इमर्जन्सी मॅनेजमेंट एजन्सी (एनएसईएमए) चे प्रवक्ते इब्राहिम हुसेनी यांनी सांगितले की, नायजर नदीच्या (ओल्ड गबाजीबो) पलीकडे असलेल्या त्यांच्या शेताकडे जाणाऱ्या बोटीवर 100 हून अधिक लोक होते.
ते म्हणाले की एजन्सी घटनास्थळी शोध आणि बचाव कार्य करण्यासाठी मोकवा स्थानिक सरकारी अधिकारी आणि स्थानिक गोताखोरांसोबत जवळून काम करत आहे. ते म्हणाले की, आतापर्यंत 26 मृतदेह बाहेर काढण्यात आले आहेत, तर 30 हून अधिक लोकांना वाचवण्यात यश आले आहे. बचावकार्य सुरू आहे. घटनेच्या वेळी बोटीवर 100 हून अधिक लोक होते, असे सांगण्यात येत आहे.
