शनिवारी नेपाळच्या बागमती प्रांतात बस आणि इलेक्ट्रिक वाहनाच्या धडकेत किमान सात जणांचा मृत्यू झाला. या अपघातात 25 जण गंभीर जखमी झाले आहेत.
मिळालेल्या माहितीनुसार, चितवन जिल्ह्यातील पूर्व-पश्चिम महामार्गावर धनगढीहून काकरभिट्टाला जाणारी बस सकाळी 10:15वाजता इलेक्ट्रिक वाहनाला धडकली. जखमींना उपचारासाठी विविध रुग्णालयात नेण्यात आले आहे, जिथे काहींची प्रकृती गंभीर आहे.
पोलिसांनी सांगितले की दोन्ही वाहने अपघातस्थळीच राहिली, ज्यामुळे महामार्गावरील वाहतूक ठप्प झाली. पोलीस रस्ता पुन्हा उघडण्याचे काम करत आहेत.पोलीस घटनेची चौकशी करत आहे. अपघाताचे कारण शोधण्यासाठी प्रयत्न सुरू आहेत.
