कोलंबियामध्ये ७.४ तीव्रतेच्या शक्तिशाली भूकंप, १३२ हून अधिक लोकांचा मृत्यू; आणीबाणी जाहीर

१० ऑगस्ट रोजी कोलंबियामध्ये ७.४ तीव्रतेचा शक्तिशाली भूकंप झाला. सॅन होजे डेल पाल्मारजवळ झालेल्या या भूकंपामुळे अनेक इमारतींचे नुकसान झाले आणि किमान १३२ लोकांचा मृत्यू झाला.

सोशल मीडियावर फिरणाऱ्या व्हिडिओंमध्ये भिंतींना तडे गेल्याचे आणि इमारतींचे नुकसान झाल्याचे दिसत होते. यूएस जिओलॉजिकल सर्व्हे नुसार, भूकंपाची तीव्रता ७.४ होती. याचे केंद्र राजधानी बोगोटाच्या पश्चिमेला सुमारे ४०० किलोमीटर अंतरावर, सॅन होजे डेल पाल्मारजवळ असल्याचे सांगण्यात आले.

???????? Footage captures the moment the 7.4-magnitude earthquake struck Colombia. https://t.co/FILrwdtNcA pic.twitter.com/H7Yj5xszzw

— Political Pen (@politicalpen_) August 10, 2026

भूकंप इतका शक्तिशाली होता की त्याचे धक्के राजधानी बोगोटा आणि शेजारील व्हेनेझुएला व इक्वेडोरपर्यंत जाणवले. भूकंपाचे केंद्र चोकोच्या पॅसिफिक किनाऱ्यावर, अंदाजे १०७ किलोमीटर खोलीवर होते. बाधित भागांमध्ये मदत आणि बचाव पथके कार्यरत आहेत. अधिकारी नुकसान आणि जीवितहानीचा सविस्तर आढावा घेत आहे.

Terrifying moments in Colombia! ????

As people rushed out of a building to escape the powerful earthquake, debris came raining down on those fleeing, creating a horrifying and chaotic scene.#Earthquake #Columbia #Disaster #ColumiaEarthquake pic.twitter.com/hlevI5yueK

— AH Siddiqui (@anwar0262) August 10, 2026

या शक्तिशाली भूकंपाचे धक्के शेजारील इक्वेडोर आणि पनामा या देशांपर्यंत जाणवले. व्हेनेझुएलाच्या सीमावर्ती प्रदेशातही भूकंपाचे धक्के जाणवले. तथापि, प्राथमिक अहवालांनुसार या देशांमध्ये मोठ्या नुकसानीची पुष्टी झालेली नाही.

भूकंपानंतर आणीबाणी जाहीर
कोलंबियाचे नवनिर्वाचित अध्यक्ष अबेलार्डो दे ला एस्प्रीएला यांनी देशात आणीबाणी जाहीर केली आहे. सॅन होजे डेल पाल्मार येथील भूकंपानंतर सरकारच्या आपत्कालीन प्रतिसादाची जबाबदारी त्यांनी स्वतः स्वीकारली असल्याचे त्यांनी सांगितले. त्यांनी बाधित लोकांना आश्वासन दिले की ते एकटे नाहीत आणि सरकार घटनास्थळी उपस्थित राहून कारवाई करत आहे.

Edited By- Dhanashri Naik