Israel-Hezbollah: हिजबुल्लाहने इस्रायलच्या अनेक शहरांवर रॉकेट डागले, अनेक जखमी

इस्रायलचे तिसरे सर्वात मोठे शहर असलेल्या हैफावर हिजबुल्लाहने रॉकेट हल्ले केले असून त्यात 10 लोक जखमी झाले आहेत. हिजबुल्लाच्या म्हणण्यानुसार, त्यांनी हैफाच्या दक्षिणेकडील लष्करी तळाला लक्ष्य केले, ज्यासाठी त्यांनी 'फदी 1' क्षेपणास्त्रांचा वापर केला. याआधी रविवारी इस्रायलने उत्तर गाझा आणि दक्षिण लेबनॉनमध्ये हवाई हल्ले केले. पॅलेस्टिनी अधिकाऱ्यांनी दिलेल्या माहितीनुसार, मशिदीवर झालेल्या क्षेपणास्त्र हल्ल्यात किमान 19 जण ठार तर 50 हून अधिक जखमी झाले आहेत. 

इस्रायली लष्कराने सोमवारी पहाटे सांगितले की, हिजबुल्लाहने डागलेल्या रॉकेटपैकी दोन हैफा आणि पाच रॉकेट हैफापासून 65 किलोमीटर अंतरावर असलेल्या तिबेरियासवर पडले.हिजबुल्लाहच्या रॉकेट हल्ल्यांमुळे काही इमारती आणि मालमत्तेचे नुकसान झाले आणि अनेक लोक किरकोळ जखमी झाले.

इस्रायली सैन्याने सांगितले की, हिजबुल्लाहने आपले कमांड सेंटर आणि शस्त्रे बेरूतच्या मध्यभागी निवासी इमारतींखाली ठेवली आहेत, ज्यामुळे नागरी लोकसंख्येला धोका निर्माण झाला आहे.

Edited By - Priya Dixit