सर्वात महागडा घटस्फोट : पत्नीला द्यावे लागणार 5500 कोटी रुपये, दुबईचे किंग रशीद यांना कोर्टाचे आदेश

दुबईचे राजे शेख मोहम्मद बिन राशिद अल-मकतूम यांनी त्यांची पत्नी राजकुमारी हया यांना घटस्फोट दिला आहे. त्या बदल्यात, त्यांना राजकुमारी हाया यांना सुमारे 5500 कोटी रुपये (554 मिलियन पाउंड) द्यावे लागतील.

ब्रिटनच्या उच्च न्यायालयाने राजा शेख मोहम्मद यांना घटस्फोटासाठी राजकुमारी हया यांना 'अंदाजे 5500 कोटी रुपये' देण्याचे आदेश दिले आहेत. घटस्फोटाचा निपटारा आणि मुलांच्या सुरक्षित भविष्यासाठी राजाला ही रक्कम द्यावी लागेल, असे न्यायालयाने म्हटले आहे. हे सेटलमेंट ब्रिटिश कायदेशीर इतिहासातील सर्वात मोठ्या सेटलमेंटपैकी एक आहे. राजकुमारी हया या जॉर्डनचे माजी राजे हुसेन यांची मुलगी आहे.

उच्च न्यायालयाचे न्यायाधीश फिलिप मूर यांनी आपल्या निर्णयात सांगितले की, राजकुमारी हया आणि तिच्या मुलांना दहशतवाद किंवा अपहरण यांसारख्या धोक्यांपासून संरक्षण देण्यासाठी विशेष व्यवस्था करण्यात यावी. ब्रिटनमध्ये त्यांना विशेष संरक्षणाची आवश्यकता असेल.

राजकुमारीला २५०० कोटी रुपये मिळतील

वकिलांच्या म्हणण्यानुसार, शेखने दिलेल्या रकमेपैकी 2,500 कोटी रुपये (251.5 मिलियन पाउंड) राजकुमारी हया यांना एकरकमी दिले जातील. त्यांच्या दोन्ही मुलांच्या सुरक्षित भविष्यासाठी बँकेत 2900 कोटी रुपये सुरक्षा म्हणून ठेवण्यात येणार आहेत. याशिवाय मुले मोठी झाल्यावर दरवर्षी 112 कोटी रुपये द्यावे लागतील. या सेटलमेंटसाठी राजकुमारी हया यांनी सुमारे 14 हजार कोटी रुपये मागितले होते.

अपील करण्याची शक्यता नाही

कायदेतज्ज्ञांच्या मते, त्याविरुद्ध राज्यकर्त्यांकडून क्वचितच अपील होईल.

कोण आहे राजकुमारी हाया

राजकुमारी हया शेख मोहम्मद यांची सहावी पत्नी आहे. त्यांनी ऑक्सफर्डमधून राजकारण, तत्त्वज्ञान आणि अर्थशास्त्राचे शिक्षण घेतले. त्यांनी 2004 मध्ये दुबईचे राजा शेख मोहम्मद बिन राशिद अल मकतूम यांच्याशी लग्न केले. 2019 मध्ये ती अचानक त्या दुबई सोडून इंग्लंडला गेल्या. यानंतर त्यांनी पतीवर अनेक आरोप केले. राजकन्येनेही स्वतःच्या जीवाला धोका असल्याचे सांगितले होते.