अमेरिकेत भूकंपाचे जोरदार धक्के, कॅलिफोर्नियामध्ये सातच्या तीव्रतेने पृथ्वी हादरली

अमेरिकेत गुरुवारी भूकंपाचे जोरदार धक्के जाणवले. भूकंपाचे धक्के इतके जोरदार होते की लोक घाबरून घरातून आणि कार्यालयातून बाहेर पडले. अमेरिकन भूकंपशास्त्रज्ञांच्या मते, गुरुवारी कॅलिफोर्नियाच्या किनारपट्टीवर शक्तिशाली भूकंप झाला. 

युनायटेड स्टेट्स जिऑलॉजिकल सर्व्हेनुसार, भूकंपाची तीव्रता रिश्टर स्केलवर 7.0 एवढी होती. भूकंपाचा केंद्रबिंदू 10 किलोमीटर (सहा मैल) खोलीवर फर्न्डेलच्या पश्चिम-नैऋत्येस सुमारे 100 किलोमीटर अंतरावर होता.

"प्राथमिक भूकंपाच्या मापदंडांच्या आधारे, भूकंपाच्या केंद्रापासून 300 किलोमीटर अंतरावर असलेल्या किनारपट्टीवर एक धोकादायक सुनामी येण्याची शक्यता आहे," असे होनोलुलू येथील राष्ट्रीय हवामान सेवेच्या सुनामी चेतावणी केंद्राने जारी केलेल्या चेतावणीमध्ये म्हटले आहे. 

चेतावणीमध्ये म्हटले आहे की अद्याप कोणत्याही भागात लाटा आल्या नाहीत, परंतु किनारपट्टीजवळ राहणाऱ्या प्रत्येकाने सतर्क राहणे आवश्यक आहे. कोणत्याही प्रकारच्या धोक्याची शक्यता आपण दुर्लक्षित करू शकत नाही.

Edited By - Priya Dixit