Sweden Shooting: स्वीडनची राजधानी स्टॉकहोममध्ये गोळीबार, एक ठार तीन जखमी

स्वीडनची राजधानी स्टॉकहोममध्ये गोळीबाराची घटना घडली आहे. ज्यात एका 15 वर्षांच्या मुलाचा मृत्यू झाला तर अन्य तीन जण जखमी झाले. पोलिसांनी दिलेल्या माहितीनुसार, शनिवारी संध्याकाळी दक्षिण स्टॉकहोममधील एका चौकाजवळ गोळीबार करण्यात आला. घटनास्थळी दोन जण गोळ्या झाडलेल्या अवस्थेत आढळून आले. याशिवाय इतर दोघे जखमी अवस्थेत शेजारी पडले होते.

 इतरांना रुग्णालयात दाखल करण्यात आले आहे. स्टॉकहोम पोलिसांचे प्रवक्ते टोव्ह हाग यांनी प्रसारमाध्यमांना सांगितले की, घटनास्थळी मरण पावलेला किशोर 15 वर्षांचा होता. 

एक 15 वर्षाचा मुलगा आणि 45 ते 65 वयोगटातील एक पुरुष आणि एक महिला जखमी झाले. त्यांनी सांगितले की, गोळीबारानंतर एका तासाच्या आत पोलिसांनी स्टॉकहोमच्या दक्षिणेकडे कारचा पाठलाग करून दोन आरोपींना अटक केली. 

Edited by - Priya Dixit