भारतीय नर्स निमिषा प्रिया कोण आहे? जिला १६ जुलै रोजी येमेनमध्ये फाशी दिली जाणार आहे, तिचा गुन्हा काय ?

केरळची रहिवासी असलेली नर्स निमिषा प्रिया हिला येमेनमध्ये फाशीची शिक्षा सुनावण्यात आली. येमेनचे राष्ट्रपती रशाद अल-अलीमी यांनी निमिषा हिला देण्यात आलेल्या फाशीच्या शिक्षेला मान्यता दिली होती. आता बातमी अशी आहे की १६ जुलै रोजी निमिषा प्रियाला फाशी देण्यात येणार आहे. प्रत्यक्षात निमिषा हिवर येमेनी नागरिकाची हत्या केल्याचा आरोप आहे.

संपूर्ण प्रकरण काय आहे?

नर्स निमिषा प्रियाने येमेनमध्ये तिचे क्लिनिक उघडले. मिळालेल्या माहितीनुसार, तिची येमेनमधील एका पुरूषाशी मैत्री झाली, ज्याचे नाव अब्दो महदी होते. महदीने तिला क्लिनिक उघडण्यास मदत करण्याचे आश्वासन दिले होते. असाही दावा केला जात आहे की महदीने आपले वचन पाळले नाही, तरीही निमिषा हिने येमेनमध्ये तिचे क्लिनिक उघडले. मिळालेल्या माहितीनुसार, यानंतर महदीने निमिषाला त्रास देण्यास सुरुवात केली आणि तिला त्याची दुसरी पत्नी म्हणू लागला. तो वारंवार निमिषाकडे पैसे मागत होता. निमिषा हिने याबद्दल पोलिसांकडे तक्रारही केली, त्यानंतर महदीला काही दिवस तुरुंगात राहावे लागले. मात्र जेव्हा महदी तुरुंगातून परतला तेव्हा त्याने निमिषाचा पासपोर्ट ताब्यात घेतला.

निमिषाने भूल देण्याचे इंजेक्शन दिले होते

महदीकडून पासपोर्ट परत मिळवण्यासाठी निमिषाने त्याला भूल देण्याचे इंजेक्शन दिले. परंतु भूल देण्याच्या इंजेक्शनचा डोस ओव्हरडोसमध्ये बदलला आणि महदीचा मृत्यू झाला. त्यानंतर निमिषाने तिच्या सहकारी हनानसह महदीच्या शरीराचे तुकडे केले आणि त्याचा मृतदेह पाण्याच्या टाकीत फेकून दिला. हनान हा येमेनी नागरिक आहे. या प्रकरणात निमिषाला २०१८ मध्ये मृत्युदंडाची शिक्षा सुनावण्यात आली होती, तर हनानला जन्मठेपेची शिक्षा सुनावण्यात आली होती. निमिषाला ८ वर्षांचा मुलगा देखील आहे. निमिषा २०१८ पासून येमेनमधील साना येथे काम करत आहे.