धोनीने फलंदाजीसाठी वर यायला हवे : गावसकर

चेन्नईचा दिल्लीविरोधात पराभव झाल्यानंतर महेंद्रसिंह धोनीने वरच्या क्रमांकावर फलंदाजीला यावे, असा सल्ला सुनील गावसकरांनी दिला आहे. या सामन्याचे समालोचन करताना गावसकरांनी चेन्नईच्या संघातील नवोदितांसमोर फलंदाजीचा आदर्श ठेवावा, अशी अपेक्षा व्यक्त केली.

या सामन्यात धोनी फलंदाजीसाठी सातवरव्या क्रमांकावर आला व शून्यावर बाद झाला. या संदर्भात बोलताना, धोनीला सर्व स्तरांवरील सामन्यांचा प्रचंड अनुभव असून त्याने इतक्या खाली खेळता कामा नये. त्याने फलंदाजीला वर खेळायला हवे आणि इतरांसमोर फलंदाजीचा आदर्श ठेवायला हवा, असे गावसकर म्हणाले.

मुंबईमधील वानखेडे स्टेडियमची विकेट फलंदाजीला पोषक होती. प्रथम फलंदाजी करताना आम्हाला जवळपास 20 धावा कमी पडल्या, असे धोनीनेही सामना संपल्यावर सांगितले. जर धोनी तिसर वा चौथ्या क्रमांकावर फलंदाजीला आला असता व चेन्नईने 200 पेक्षा जास्त धावांचे आव्हान दिल्लीसमोर ठेवले असते तर कदाचित सामन्याचा निकाल वेगळा मिळाला असता.