LSG vs KKR live score 2022: IPL 2022 च्या 53 व्या सामन्यात लखनौ सुपर जायंट्स विरुद्ध कोलकाता नाइट रायडर्सने नाणेफेक जिंकून प्रथम गोलंदाजी करण्याचा निर्णय घेतला आहे. प्रथम फलंदाजी करताना लखनौ सुपर जायंट्स संघाने 20 षटकात 7 गडी गमावून 176 धावा केल्या. प्रत्युत्तरात कोलकाता नाईट रायडर्स संघ 14.3 षटकांत सर्व विकेट्स गमावून 101 धावाच करू शकला. कोलकाताला 75 धावांनी पराभवाला सामोरे जावे लागले.
लखनौकडून दीपक हुडाने 41, मार्कस स्टॉइनिसने 28 आणि कृणाल पांड्याने 25 धावांचे योगदान दिले. केकेआरकडून आंद्रे रसेलने दोन तर सुनील नरेन, टीम साऊथी आणि शिवम मावी यांनी प्रत्येकी एक विकेट घेतली.
केएल राहुलच्या नेतृत्वाखालील लखनौ सुपर जायंट्सने या सामन्यात विजय मिळवत गुणतालिकेत अव्वल स्थान पटकावले आहे. लखनौने 11 पैकी 8 सामने जिंकले असून 16 गुणांसह गुणतालिकेत अव्वल स्थानावर आहे. लखनौ प्लेऑफमध्ये स्थान मिळवण्याच्या जवळ आहे, तर KKR 11 सामन्यांतून चार विजय मिळवून आठ गुणांसह सध्या नवव्या क्रमांकावर आहे.
