आयपीएलचा 48 वा सामना गुजरात टायटन्स आणि पंजाब किंग्ज यांच्यात मंगळवारी (3 मे ) मुंबईतील डीवाय पाटील स्टेडियमवर होणार आहे. प्रतिकूल परिस्थितीतून पुनरागमन करत गुजरात प्लेऑफमध्ये आपले स्थान पक्के करण्याचा प्रयत्न करेल. पहिल्यांदाच आयपीएलमध्ये सहभागी होणाऱ्या गुजरातच्या संघाला पराभूत करणे सोपे राहिलेले नाही. त्यांनी नऊपैकी आठ सामने जिंकले आहेत आणि सलग सहाव्या विजयाची नोंद केल्याने ते प्लेऑफमध्ये पोहोचणारा पहिला संघ बनेल.
राहुल तेवाटिया, डेव्हिड मिलर, रशीद खान किंवा कर्णधार हार्दिक पांड्या असोत, या सर्वांनी आतापर्यंतच्या स्पर्धेत मॅच विनिंग कामगिरी केली आहे.
गेल्या वेळी जेव्हा गुजरात आणि पंजाब आमनेसामने आले तेव्हा तेवतियाने शेवटच्या दोन चेंडूंवर षटकार मारून संघाला विजय मिळवून दिला होता. पंजाबला आता अनुकूल निकालाची अपेक्षा आहे.
पंजाब संघाच्या कामगिरीत पुन्हा सातत्याचा अभाव दिसून आला असून त्यांनी आतापर्यंत नऊ पैकी पाच सामने गमावले आहेत. त्यांचे अव्वल फलंदाज, कर्णधार मयंक अग्रवाल, जॉनी बेअरस्टो, शिखर धवन आणि लियाम लिव्हिंगस्टोन यांनी चांगली कामगिरी केली आहे.
प्लेइंग 11 -
गुजरात टायटन्स: शुभमन गिल, ऋद्धिमान साहा (विकेटकीपर), साई सुदर्शन, हार्दिक पांड्या (कर्णधार), डेव्हिड मिलर, राहुल तेवतिया, राशिद खान, अल्झारी जोसेफ, मोहम्मद शमी, लॉकी फर्ग्युसन, यश दयाल.
पंजाब किंग्ज : मयंक अग्रवाल (कर्णधार), शिखर धवन, जॉनी बेअरस्टो, भानुका राजपक्षे, लियाम लिव्हिंगस्टोन, जितेश शर्मा (विकेट किपर), ऋषी धवन, कागिसो रबाडा, राहुल चहर, संदीप शर्मा, अर्शदीप सिंग.
