भारताचा वरिष्ठ फलंदाज केएल राहुलच्या उजव्या मांडीवर यशस्वी शस्त्रक्रिया करण्यात आली असून तो राष्ट्रीय संघात लवकर पुनरागमन करण्याच्या दृष्टीने पाहत आहे. लखनौ सुपर जायंट्सचा कर्णधार राहुलला या महिन्याच्या सुरुवातीला रॉयल चॅलेंजर्स बंगळुरूविरुद्ध आयपीएल सामन्यात क्षेत्ररक्षण करताना दुखापत झाली होती. 31 वर्षीय राहुल क्षेत्ररक्षण करताना अडखळला आणि जमिनीवर पडला. यानंतर तो वर्ल्ड टेस्ट चॅम्पियनशिपच्या (WTC) फायनलमधूनही बाहेर पडला.
राहुलने त्याच्या सोशल मीडिया हँडलवर लिहिले, "सगळ्यांना नमस्कार! माझी नुकतीच एक शस्त्रक्रिया झाली. ती यशस्वी झाली. त्या काळात मी आरामात असल्याची खात्री केल्याबद्दल डॉक्टर आणि वैद्यकीय कर्मचार्‍यांचे खूप आभार. सर्व काही सुरळीत पार पडले.
