T20 विश्वचषकापूर्वी आयसीसीने ताजी क्रमवारी जाहीर केली आहे. भारतीय T20 संघाचा उपकर्णधार हार्दिक पंड्या ICC च्या T20 अष्टपैलूंच्या क्रमवारीत सातव्या स्थानावर कायम आहे. टी-20 फॉरमॅटमधील अष्टपैलू खेळाडूंच्या यादीत तो सध्या अव्वल भारतीय आहे.
हार्दिकचे 185गुण आहेत. त्याचवेळी ऑस्ट्रेलियाचा मार्कस स्टॉइनिस त्याच्या एका स्थानाने वर असून तो सहाव्या स्थानावर आहे. श्रीलंकेचा फिरकी गोलंदाज वानिंदू हसरंगा आणि बांगलादेशचा शाकिब अल हसन हे आयसीसी टी-२० क्रमवारीत अव्वल अष्टपैलू खेळाडू आहेत. हसरंगा एका स्थानाने सुधारला आणि 228 गुणांसह अव्वल स्थानावर आहे. शाकिबचेही असेच रेटिंग गुण आहेत.
त्याच्यानंतर अफगाणिस्तानचा मोहम्मद नबी (218) आणि झिम्बाब्वेचा सिकंदर रझा (210) यांचा क्रमांक आहे. दक्षिण आफ्रिकेचा T20 कर्णधार एडन मार्कराम (205) देखील पहिल्या पाचमध्ये स्थान मिळवण्यात यशस्वी ठरला.
T20 फलंदाजांच्या क्रमवारीत भारताचा सूर्यकुमार यादव 861 गुणांसह पहिल्या क्रमांकावर आहे, तर इंग्लंडचा फिल सॉल्ट 802 गुणांसह दुसऱ्या स्थानावर आहे. त्याच्यापाठोपाठ पाकिस्तानचा मोहम्मद रिझवान (781), बाबर आझम (761) आणि मार्कराम (755) यांचा क्रमांक लागतो. भारताची युवा फलंदाज यशस्वी जैस्वाल 714 गुणांसह सहाव्या स्थानावर आहे.
