Marathi Biodata Maker

RR vs RCB: आरसीबी चा सलग तिसरा पराभव, राजस्थान अव्वल

Webdunia
रविवार, 7 एप्रिल 2024 (10:42 IST)
रॉयल चॅलेंजर्स बंगळुरूचा (आरसीबी) फलंदाज विराट कोहलीने आपला उत्कृष्ट फॉर्म सुरू ठेवत राजस्थान रॉयल्सविरुद्ध त्याच्या आयपीएल कारकिर्दीतील आठवे शतक झळकावले, मात्र राजस्थानचा सलामीवीर जोस बटलरने झंझावाती शतक झळकावून कोहलीचे सेलिब्रेशन उधळले. कोहलीच्या नाबाद 113 धावांच्या बळावर आरसीबीने 20 षटकांत तीन गड्यांच्या मोबदल्यात 183 धावा केल्या होत्या, मात्र जोस बटलरच्या नाबाद 100 धावा आणि कर्णधार संजू सॅमसनच्या अर्धशतकी खेळीच्या जोरावर राजस्थानने पाच चेंडू शिल्लक असताना चार गड्यांच्या मोबदल्यात 189 धावा केल्या. आणि सामना जिंकला. 

आरसीबीवरील या विजयासह, राजस्थान संघ चार सामन्यांत चार विजयांसह आठ गुणांसह गुणतालिकेत अव्वल स्थानावर पोहोचला आहे, तर कोलकाता नाईट रायडर्स (KKR) संघ सहा गुणांसह दुसऱ्या स्थानावर आहे. त्याचवेळी, सलग तीन पराभवानंतर आरसीबी संघ पाच सामन्यांतून चार पराभव आणि एका विजयासह दोन गुणांसह आठव्या स्थानावर घसरला आहे. 
 
राजस्थानचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला आणि आरसीबीसाठी कर्णधार फाफ डुप्लेसिस आणि विराट कोहली डावाची सुरुवात करण्यासाठी आले. विराट कोहली आणि कर्णधार फाफ डुप्लेसिस या सलामीच्या जोडीने आरसीबीला राजस्थान रॉयल्सविरुद्ध दमदार सुरुवात केल्याने सॅमसनचा निर्णय उलटला. पहिल्या विकेटसाठी पॉवरप्ले संपेपर्यंत दोन्ही फलंदाजांनी अर्धशतकी भागीदारी पूर्ण केली. सहा षटके संपल्यानंतर आरसीबीने एकही विकेट न गमावता 53 धावा केल्या होत्या.

पॉवरप्ले दरम्यान आरसीबीने एकही विकेट गमावली नसल्याची या मोसमातील ही पहिलीच वेळ आहे. त्याचवेळी विराट कोहली पॉवरप्लेमध्ये या मोसमात सर्वाधिक धावा करणारा खेळाडू ठरला. या कालावधीत कोहलीने आतापर्यंत 121 धावा केल्या आहेत. या दोन फलंदाजांमधील ही शतकी भागीदारी लवकरच पूर्ण झाली. कोहली आणि डुप्लेसिस यांनी आयपीएलमध्ये पाचव्यांदा शतकी भागीदारी केली आणि आयपीएलमध्ये सर्वाधिक शतकी भागीदारी करणारी संयुक्त दुसरी जोडी बनली. 
 
Edited By- Priya Dixit  
 

संबंधित माहिती

सर्व पहा

नक्की वाचा

Hanuman Chalisa Path Benefits हनुमान चालीसा पठणाचे फायदे: मानसिक शक्ती दुप्पट कशी वाढते?

बुध ग्रहाची वक्री चाल सुरू! २९ जूनपासून 'या' राशींचे भाग्य उजळणार, तर कोणाला राहावे लागेल सावध?

Belly fat yoga: पोटावरील चरबी कमी करण्यासाठी 5 उत्तम योगासने, यापैकी कोणतेही एक करून पहा

खूप थंड पाणी पिणे चांगले की वाईट? सत्य जाणून घ्या

स्टेट बँक ऑफ इंडिया मध्ये १५०० प्रोबेशनरी ऑफिसर (पीओ) पदां साठी भरती सुरु

सर्व पहा

नवीन

IND vs AFG: अफगाणिस्तानचा कर्णधार हशमतुल्ला शाहिदीला आयसीसीने दंड ठोठावला

India vs Ireland : भारताविरुद्धच्या टी-२० मालिकेसाठी आयर्लंड संघ जाहीर

4, 4, 4, 6, 6 - वैभव सूर्यवंशीने तोडला विश्वविक्रम, 11 चेंडूत अर्धशतक ठोकले

अंतिम सामन्यात भारतीय 'अ' संघाने श्रीलंकेला ६६ धावांनी पराभूत केले

IND W vs SA W : दक्षिण आफ्रिकेने भारताला सहा गडी राखून हरवले

पुढील लेख
Show comments