मुख्य लढत : उन्मेष पाटील (भाजप) विरुद्ध गुलाबराव देवकर (राष्ट्रवादी)
जळगाव हा जिल्हा भाजपाचे नेते एकनाथ खडसे यांचा प्रभाव क्षेत्र आहे. तर आता याच ठिकाणी भाजपचे नेते गिरीश महाजन यांची ताकद वाढली आहे. तिकीट देण्याचे मुख्य काम गिरीश महाजन यांनी केले असून या ठिकाणी ही लढत आता भाजपचे उन्मेष पाटील, राष्ट्रवादीचे गुलाबराव देवकर आणि प्रकाश आंबेडकर यांचा पक्ष वंचित बहुजन आघाडीत होत आहे.
लोकसभा निवडणुकीत यावेळी लोकसभेच्या 543 जागांमधून महाराष्ट्रात 48 जागांसाठी मतदान प्रक्रिया पूर्ण झाली. महाराष्ट्रात लोकसभेसाठी चार टप्प्यात मतदान झाले. महाराष्ट्रात पहिल्या टप्प्यातलं मतदान ११ एप्रिलला, दुसऱ्या टप्प्यातलं मतदान १८ एप्रिललला, तिसऱ्या टप्प्यातलं मतदान २३ एप्रिलला आणि चौथ्या टप्प्यातलं मतदान २९ एप्रिलला संपन्न झाले होते. चार टप्प्यात झालेल्या निवडणुकीत सरासरी 60.68 टक्के मतदान झाले. 2014 साली देशात 9 तर महाराष्ट्रात 3 टप्प्यांत मतदान झालं होतं. निवडुणकांचे निकाल 23 मे रोजी जाहीर केले जाणार आहे.
विशेष म्हणजे भारतीय जनता पार्टी आणि शिवसेना यांनी महाराष्ट्रात लोकसभा आणि विधानसभा निवडणुकांसाठी युतीची घोषणा केली. लोकसभेला भाजप 25 आणि शिवसेना 23 मतदारसंघांमधून लढली. तर विधानसभेच्या निवडणुकीत दोन्ही पक्ष निम्म्या-निम्म्या जागा लढवणार आहेत अशी घोषणा करण्यात आली.
