Haryana Bahubali Truck :सध्या सोशल मीडियावर एक भलामोठा ट्रक चर्चेचा विषय बनला आहे. हरियाणातील सिरसा येथे एक ट्रकला लोक बाहुबली म्हणू लागले आहेत. या ट्रकची लांबी 39 मीटर असून त्यात एकूण 416 टायर आहेत. ट्रकचे नाव बाहुबली आहे पण त्याचा वेग कासवाएवढा आहे. हा ट्रक 10 महिन्यांपूर्वी गुजरातहून पंजाबकडे रवाना झाला होता. सध्या तो फक्त हरियाणातील सिरसा येथे पोहोचला आहे.
माहितीनुसार, या ट्रकमध्ये रिफायनरीमध्ये वापरलेली उपकरणे ठेवण्यात आली आहेत. हा ट्रक भटिंडा येथील रिफायनरी येथे जाणार आहे. हा ट्रक खेचण्यासाठी दोन ट्रक समोरून आणि एक मागे धावत आहेत. त्याचवेळी या ट्रकमधून 25 ते 30 जण प्रवास करत आहेत. हा ट्रक दररोज फक्त 12 किमी अंतर कापतो. ट्रकने प्रवास करणाऱ्या लोकांनी सांगितले की ते गुजरातमधील कांडला येथून सुरू झाले होते, परंतु खराब हवामानामुळे तो मध्येच थांबवावा लागला
ट्रकची लांबी एवढी आहे की, तो पुढे गेल्यावर आधी संपूर्ण रस्ता मोकळा करावा लागतो. त्याच वेळी, ट्रक ज्या महामार्गावर जात आहे त्या महामार्गावर वाहतूक वळविली जाते. महामार्गावरील उड्डाणपुलावरून ट्रक कधीच जात नाही. नेहमी खालून जातो.
