राज्यात ऑक्टोबर-नोव्हेंबरमध्ये होणाऱ्या प्रस्तावित विधानसभा निवडणुकीसाठी एनडीए अर्थात महायुतीने तयारी सुरू केली आहे. एनडीएमधील जागावाटपाबाबत चर्चेची पहिली फेरी झाली असल्याची माहिती सूत्रांनी दिली आहे. या बैठकीत हे ठरले आहे की, गेल्या 2019 च्या विधानसभा निवडणुकीत ज्या पक्षाने जागा जिंकल्या होत्या, त्या पक्षाचा त्या जागांवर अधिकार असेल. ज्या काही जागांवर विद्यमान आमदारांची स्थिती कमकुवत असेल, तेथे आपसात निर्णय घेऊन बदल केले जाऊ शकतात.असे तिन्ही पक्षांचे एकमत झाले आहे.
2019 मध्ये भाजपने 105 जागा जिंकल्या होत्या. त्यांच्यासोबत दहा अपक्ष आमदारही होते. सध्याच्या परिस्थितीत भाजपकडे 103 आमदार आहेत तर 10 अपक्ष आमदारांचा पाठिंबा आहे. तर अजित पवार यांच्याकडे सध्या 42 आमदार आहेत तर शिंदे यांच्याकडे सध्या 40 आमदार आणि 10 अपक्ष आहेत.
गेल्या निवडणुकीत ज्या पक्षाचे आमदार निवडून आले होते, त्या पक्षाकडून विजयी पक्ष निवडणूक लढवणार असल्याचेही अजित पवार यांनी शुक्रवारी नाशिकमध्ये सांगितले. अशा बैठकीत एकमत झाले आहे. जेथे उमेदवार अत्यंत कमकुवत स्थितीत असेल, त्या जागेवर परस्पर सहमतीने बदल केला जाऊ शकतो.
तसेच अजित पवार म्हणाले, आम्हीही तरुणांना संधी देणार. आमच्या पक्षात अनेक तरुण उमेदवार आहे. यंदा नवीन चेहऱ्यानं संधी देण्याचे त्यांनी स्पष्ट केले.
सूत्रांनी दिलेल्या माहितीनुसार, ज्या पक्षाकडे विद्यमान जागा आहेत. महायुती लवकरच अशा सुमारे 200 जागांची घोषणा करणार आहे. जेणेकरून उमेदवारांना प्रचारासाठी पुरेसा वेळ मिळेल. उर्वरित जागांची घोषणा नंतर केली जाऊ शकते.
