Festival Posters
✕

मकर संक्रांतीला खिचडी का बनवतात? लोकप्रिय कथा आणि धार्मिक महत्त्व दोन्ही जाणून घ्या

Webdunia
गुरूवार, 12 जानेवारी 2023 (15:08 IST)
इंग्रजी कॅलेंडरप्रमाणे मकर संक्रांती हा नवीन वर्षातील पहिला सण मानला जातो. या दिवशी सूर्यदेव धनु राशीतून निघून मकर राशीत प्रवेश करतात. म्हणून याला मकर संक्रांत म्हणतात. यावेळी मकर संक्रांती शुक्रवार, 14 जानेवारी रोजी साजरी होणार आहे. या दिवशी पवित्र नदीत स्नान आणि दान करण्याचे विशेष महत्त्व आहे.
 
मकर संक्रांतीच्या दिवशी गूळ, तूप, मीठ आणि तीळ याशिवाय काळी उडीद डाळ, तांदूळ इत्यादी दान केले जाते. एवढेच नाही तर या दिवशी घरी उडीद डाळ खिचडीही खाल्ली जाते. इतकेच नाही तर या दिवशी अनेक ठिकाणी हा सण खिचडी म्हणून ओळखला जातो. या दिवशी खिचडी बनवणे, खाणे, दान करणे इत्यादी केल्याने सूर्यदेव आणि शनिदेवाचा आशीर्वाद प्राप्त होतो, असे मानले जाते. या सणानिमित्त खिचडीचे महत्त्व जाणून घेऊया.
 
खिचडीची लोकप्रिय कथा
मकर संक्रांतीच्या दिवशी बाबा गोरखनाथांच्या काळापासून खिचडी बनवणे, खाणे, दान करणे इत्यादी प्रथा सुरू झाली. खिचडीबाबत अशी प्रथा आहे की जेव्हा खिलजीच्या हल्ल्यात नाथ योगींना जेवण बनवायला वेळ मिळाला नाही. आणि यामुळे ते उपाशीपोटी लढायला जायचे. तेव्हा बाबा गोरखनाथांनी डाळ, भात, भाजी एकत्र शिजवण्याचा सल्ला दिला. पटकन शिजलेल्या खिचडीने योगींचे पोटही भरले जात आणि ती पौष्टिकही आहे.
 
त्याला बाबा गोरखनाथांनी खिचडी असे नाव दिले. यानंतर खिलजीपासून मुक्त झाल्यानंतर मकर संक्रांतीच्या दिवशी योगींनी उत्सव साजरा केला आणि लोकांमध्ये खिचडीचे वाटप केले. तेव्हापासून मकर संक्रांतीच्या दिवशी खिचडी बनवण्याची प्रथा सुरू झाली. एवढेच नाही तर गोरखपूरच्या बाबा गोरखनाथ मंदिरात या दिवशी खिचडी जत्रेचे आयोजन केले जाते. तसेच या दिवशी बाबा गोरखनाथांना खिचडी अर्पण केली जाते.
ALSO READ: मकर संक्रांतीला बनवा ही खास khichdi, खाणारे बोटं चाटतील, जाणून घ्या रेसिपी
धार्मिक महत्त्व
मकर संक्रांतीच्या दिवशी असे मानले जाते की या दिवशी सूर्य देव त्यांच्या पुत्र शनीच्या घरी जातात. ज्योतिष शास्त्रामध्ये उडदाची डाळ शनिदेवाशी संबंधित मानली जाते. अशा स्थितीत या दिवशी उडीद डाळ खिचडी खाऊन दान केल्याने सूर्यदेव आणि शनिदेवाची कृपा प्राप्त होते. तसेच तांदूळ हा चंद्राचा, मीठाचा शुक्र, हळद हा गुरु, हिरव्या भाज्या बुध कारक मानले जातात. त्याच वेळी उष्णतेशी संबध मंगळाशी निगडित आहे. त्यामुळे मकर संक्रांतीच्या दिवशी खिचडी खाल्ल्याने कुंडलीतील सर्व प्रकारच्या ग्रहांची स्थिती सुधारते.

संबंधित माहिती

सर्व पहा

नवीन

रामायण आणि महाभारत यांच्यातील हे १० प्रमुख फरक तुम्हाला माहित आहे का?

Margashirsha Guruvar 2026 Dates मार्गशीर्ष महिना सुरू होण्यापूर्वी घरात करा ही महत्त्वाची तयारी

आरती सोमवारची-आधार चक्र नृत्य मांडिलें थोर

सदाशिवपञ्चरत्नम् : भगवान शिवाची स्तुती करणारे पवित्र स्तोत्र दर सोमवारी पठण केल्याने लाभ मिळेल

मार्गशीर्ष गुरुवारी पती-पत्नीमध्ये शारीरिक जवळीक ठेवणे चुकीचे आहे का?

सर्व पहा

नक्की वाचा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

पुढील लेख
Show comments