Publish Date: Fri, 21 Aug 2026 (16:30 IST)
Updated Date: Fri, 21 Aug 2026 (19:20 IST)
महाराष्ट्रातील उमरडा गाय आणि माडग्याल मेंढी यांना आयसीएआर कडून स्वतंत्र जाती म्हणून राष्ट्रीय मान्यता देण्यात आली आहे. यामुळे पशुपालकांना संरक्षण आणि प्रोत्साहन मिळेल.
मिळालेल्या माहितीनुसार महाराष्ट्राच्या पशुधन संपत्तीला राष्ट्रीय स्तरावर दुहेरी मान्यता मिळाली आहे. उमरडा गायीला एक स्वतंत्र देशी गोवंश जात म्हणून आणि माडग्याल मेंढीला एक स्वतंत्र अधिकृत जात म्हणून मान्यता देण्यात आली आहे. यामुळे या दोन्ही स्थानिक जातींच्या संवर्धन, शास्त्रीय प्रजनन आणि अनुवांशिक सुधारणेला प्रोत्साहन मिळेल.
भारतीय कृषी संशोधन परिषदेच्या कर्नाल येथील राष्ट्रीय पशु अनुवांशिक संसाधन ब्युरोने महाराष्ट्र पशुसंवर्धन विभागाच्या प्रस्तावाच्या आधारे ही प्रक्रिया पूर्ण केली. ७ ऑगस्ट २०२६ रोजी झालेल्या आयसीएआर (ICAR) जाती नोंदणी समितीच्या १४ व्या बैठकीत दोन्ही जातींना मंजुरी देण्यात आली. पशुसंवर्धन मंत्री पंकजा मुंडे यांनी याला महाराष्ट्रातील पशुपालकांसाठी अभिमानाची बाब म्हटले आहे. त्यांनी सांगितले की, राष्ट्रीय मान्यतेमुळे पारंपरिक पशुधनाच्या संवर्धनासाठी संस्थात्मक आणि वैज्ञानिक आधार मिळेल. याचा उपयोग पशुपालकांचे उत्पन्न वाढवण्यासाठीही केला जाऊ शकतो.
उमरडा गायी प्रामुख्याने पश्चिम विदर्भातील यवतमाळ, वाशिम आणि अमरावती जिल्ह्यांमध्ये आढळतात. मडग्याल मेंढी सांगली प्रदेशाशी संबंधित आहे. ती जलद वजनवाढ, रोगप्रतिकारशक्ती आणि उत्कृष्ट मांस उत्पादनासाठी ओळखली जाते. राष्ट्रीय मान्यतेमुळे त्यांच्या संवर्धन आणि सुधारणेसाठी विशेष योजना विकसित करण्यासही चालना मिळेल.
Edited By- Dhanashri Naik
