चिले महाराजांची आरती

।। आरती चिले महाराजांची ।।
ॐ जय गुरुदेव चिले, ॐ जय गुरुदेव चिले

करीं धरिता पंचारती, नित आनंद मिळे ।।धृ।।

हासत खेळत बोलत, तव सावळी मूर्ती

गुरु तव सावळी मूर्ती

भक्तजनांशी कीर्ति, गुरुसेवेत कळे ।।ॐ ।।१।।

लाभे सुख हरे दु:ख हसमुख, मम नयना पुढती

गुरु मम नयनां पुढती दत्त दिगंबर विभूती,

आज साकार डुले ।।ॐ ।।२।।

परिवार संसार शिरी भार,

जीव हा प्रपंचात गुरु जीव हा प्रपंचात

गुरु पुढती दिनरात, दो कर हे जुळले ।।ॐ ।।३।।

कधी गिरी मंदिरी रमे हरि, कधी पैजारवाडी

गुरु कधी पैजारवाडी

परि नरसोबावाडी, दत्तचि अवतरले ।। ॐ ।।४।।

कधी वाई टेंबलाई बाबवई, कधी गड पन्हाळा

गुरु कधी गड पन्हाळा भैरव गिरिवर पूजिला,

भक्त तिथे रमले ।।ॐ ।।५।।

निशिदिन तंव गुण गाई मन, तू मम करुणेश्वर

गुरु तू मम करुणेश्वर

अर्पण तंव चरणावर मधुगंधाची फुले ।।६।।