सोने दिवाळीत होणार आणखी स्वस्त

मुंबई- सणासुदीत नेहमी सोने महाग होते, पण यंदा वेगळे चित्र दिसत आहे. सोने सतत स्वस्त होत आहे. सध्या सोन्याचे भाव तीन वर्षे जुन्या स्थितीवर पोहोचले. मंगळवारी सोने 31 हजार ते 31500 दरम्यान होते. 2013 मध्ये दसर्‍यावेळी हा भाव 31000 रुपये होता. 

असोचेमनुसार, यावर्षी सोने 25 टक्क्यांनी महागले. मात्र गेल्या आठवडय़ात याची झळाळी दीड ते हजार रुपयांपर्यंत कमी झाली.

यावर्षात पहिल्या नऊ महिन्यांदरम्यान आयातीत 57.75 टक्के घसरण आली. जानेवारीपासून डिसेंबरपर्यंत 270 टन आयात झाली. गेल्या वर्षी याच कालावधीत 658 टन होती.