महानंद, चितळे, गोवर्धन, कात्रज दुधाच्या खरेदीत 3 रुपये तर विक्री दरात 2 रुपयांनी वाढ करण्यात आली आहे. राज्यभर गाईच्या दूध खरेदी आणि विक्री दरात प्रतिलिटर प्रत्येकी 3 आणि 2 रुपयांची दरवाढ करण्याचा निर्णय राज्यातील सहकारी व खासगी दूध उत्पादक संघांकडून घेण्यात आला आहे.
त्यामुळे ग्राहकांना आता दुधासाठी दोन रुपये जास्त मोजावे लागतील.
आता गाईच्या दुधाचा खरेदी दर प्रतिलिटर 33 रुपये तर, पिशवीबंद दुधाचा किरकोळ विक्री दर प्रति लिटर 52 रुपये असणार आहे. या दूध दरवाढीच्या निर्णयाची अंमलबजावणी 15 मार्चपासून होईल.
