यावर्षीच्या जुलै महिन्यापासून आत्तापर्यंत दिल्लीत पेट्रोलचे दर प्रति लीटर ७ रूपये इतके वाढले आहेत. मागील तीन वर्षात दिल्लीत झालेली ही सगळ्यात मोठी दरवाढ आहे. दिल्लीत जुलै महिन्याच्या सुरूवातीला डिझेल प्रति लीटर ३ रूपये ६७ पैशांनी महाग झाले. दिल्लीमध्ये डिझेलचा दर सध्याच्या घडीला ५७ रूपये लीटर आहे. मागील चार महिन्यात डिझेलच्या प्रति लीटर किंमतीतही हा उच्चांक आहे.
१६ जून रोजी दिल्लीत पेट्रोलचे दर प्रति लीटर ६५ रूपये ४८ पैसे होते. त्यानंतर २ जुलै रोजी पेट्रोलच्या किंमती २ रूपयांनी कमी होऊन ते दिल्लीत ६३ रूपये ६ पैसे प्रति लीटर मिळू लागले. मात्र त्यानंतर चारच दिवसांनी म्हणजेच ६ जुलै ते आजपर्यंत पेट्रोलचे दर प्रति लीटर ७ रूपयांनी वाढले आहेत. सध्या दिल्लीत पेट्रोलचे दर ७० रूपये प्रति लीटर आहेत. त्याचप्रमाणे डिझेलचे दर १६ जून रोजी प्रति लीटर ५४ रूपये ५० पैसे प्रति लीटर होते. ते सध्याच्या घडीला ५७ रूपये लीटर झाले आहेत. दिल्लीत ही मागील चार महिन्यातली सर्वात मोठी दरवाढ आहे.
