कपडे धुणे आता महाग झाले! व्हील, सर्फ एक्सेल आणि रिनच्या किमती पुन्हा वाढल्या

हिंदुस्थान युनिलिव्हरने व्हील, सर्फ एक्सेल आणि रिनच्या किमती २.२% ते ७.१% ने वाढवल्या आहे. कच्च्या मालाच्या वाढत्या किमतींमुळे सर्वसामान्य कुटुंबांच्या बजेटवर ताण येईल.

हिंदुस्थान युनिलिव्हरने ऑक्टोबरमध्ये आपल्या लोकप्रिय डिटर्जंट ब्रँड व्हील, सर्फ एक्सेल आणि रिनच्या अनेक पॅकेट्सच्या किमती पुन्हा वाढवल्या आहे.कंपनीने विविध उत्पादनांच्या किमती २.२% ते ७.१% ने वाढवल्या आहे. यापैकी अनेक उत्पादनांच्या किमती यावर्षी दुसऱ्या, तिसऱ्या किंवा चौथ्यांदा वाढवण्यात आल्या आहे.

व्हील पावडरच्या १ किलो पॅकेटची किंमत ९० वरून ९३ करण्यात आली आहे.सर्फ एक्सेल एन्झी वॉशच्या १ किलो पॅकेटची किंमत आता १६७ ऐवजी १७२ झाली आहे. ५०० ग्रॅम पॅकेटची किंमत देखील ८५ वरून ८७ करण्यात आली आहे. रिन आलाच्या ५०० मिली पॅकची किंमत ९० वरून ९५ करण्यात आली आहे. रिन पावडरचे १ किलो पॅकेट आता १२० ऐवजी १२३ मध्ये उपलब्ध होईल, तर ५०० ग्रॅम पॅकेटची किंमत ६१ वरून ६३ करण्यात आली आहे. व्हील डिटर्जंट, रिन आणि सर्फ एक्सेल हे सामान्य घरगुती डिटर्जंट आहेत, त्यामुळे या दरवाढीचा सर्वसामान्य कुटुंबांच्या मासिक बजेटवर थेट परिणाम होईल.