केंद्र सरकारने २० जुलै रोजी ग्राहकांसाठी नवीन कायदा लागू केला आहे. या नव्या कायद्यात ग्राहकांना पूर्वीपेक्षा अधिक अधिकार देण्यात आले आहेत. ई-कॉमर्स कंपन्याही या कायद्याच्या कक्षेत आहेत. ई-कॉमर्स कंपन्यांशी संबंधित नवीन नियम आता सूचित केले आहेत. या नियमांनुसार वस्तूंच्या विक्रीचा मार्ग बदलला आहे.
या नवीन नियमात, विक्रेत्यास वस्तू कोणत्या देशात बनवल्या आहेत हे सांगावं लागेल. हा नियम भारतात किंवा परदेशात नोंदणीकृत असलेल्या पण भारतीय ग्राहकांना वस्तू व सेवा देत असलेल्या सर्व विक्रेत्यांना लागू होईल. नवीन नियमांनुसार ई-कॉमर्स कंपन्यांना इतर शुल्कासह विक्रीसाठी ठेवलेल्या वस्तू आणि सेवांच्या एकूण किंमतीची संपूर्ण माहिती द्यावी लागेल. यासह, वस्तूची कालावधी समाप्ती तारीख एक्सपायरी तारीख देखील सांगावी लागणार आहे.
या व्यतिरिक्त ज्या देशात वस्तू तयार करण्यात आल्या आहेत, त्याची देखील प्रमुखपणे माहिती द्यावी लागेल जेणेकरुन ग्राहक ती माहिती किंवा सेवा खरेदी करण्यापूर्वी संपूर्ण माहितीसह निर्णय घेऊ शकतील. ई-कॉमर्स कंपन्यांच्या माध्यमातून वस्तू व सेवांची विक्री करण्याची ऑफर देणाऱ्या विक्रेत्यांनी ही माहिती ई-कॉमर्स कंपनीला दिली पाहिजे जेणेकरून ती आपल्या वेबसाइटवर स्पष्टपणे दर्शविली जाऊ शकेल.
